Anita Gradin
Anita Gradin (Hörnefors, Suedia, 1933ko abuztuaren 12a – Stockholm, 2022ko maiatzaren 23a) [1] suediar kazetari eta politikaria izan zen. Bere herrialdeko ministroa izan zen eta Europako Batzordean parte hartu izan zuen, Europako Inmigrazio, Justizia eta Segurtasun komisario kargua betez, batzordeko kide zaharrena izanik. [2]
Karrera politikoa
Suediako Alderdi Sozialdemokrataren (SDWP) kidea, 1982an Olof Palme lehen ministroaren gobernuko Immigrazio eta Aukera Berdintasuneko ministro izendatu zuten, eta kargua izan zuen 1986ra arte. Urte horretan Kanpo Arazoetarako ministro gisa aritu zen, Ingvar Carlsson-ek izendatuta. Ministro gisa egon zen 1991ra arte, eta bere herrialdea Europar Batasunean integratzeko zeregin handia izan zuen.
1992 eta 1994 bitartean Austria eta Esloveniako enbaxadore izan zen. Bere herrialdea EBn sartzearekin batera, Santer Batzordeko kide izendatu zuten 1995ean. 1999an utzi zuen kargua, eta hura ere bete zuen, behin-behinean, Manuel Marin buru zuen Batzordean. Bere postuan António Vitorinok ordezkatu zuen eta Suediako komisario gisa Margot Wallströmek .
Erreferentziak
Kanpo estekak
Datuak: Q459226
