Asier Usarraga
Asier Usarraga Latierro (Donostia, 1994ko abenduaren 31) gipuzkoar errugbilaria da, hirugarren lerroko hegal postuan aritzen dena. Biarritz Olympiquen, Aviron Bayonnaisen[1] eta Castres Olympiquen jokatu ostean,[2] CA Brivek kontratatu zuen 2023an.[3] 2016ko ekainaren 9an egin zuen debuta Espainiako selekzioarekin, Bukaresten, Argentina XV-en aurka.[4]
Asier Usarraga | |||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Bizitza | |||||||||||||||||||||||||||||||||||||||
Jaiotza | Donostia, 1994ko abenduaren 31 (29 urte) | ||||||||||||||||||||||||||||||||||||||
Herrialdea | Gipuzkoa, Euskal Herria | ||||||||||||||||||||||||||||||||||||||
Hezkuntza | |||||||||||||||||||||||||||||||||||||||
Heziketa | Zurriola Ikastola Bera Bera Rugby Taldea Biarritz Olympique | ||||||||||||||||||||||||||||||||||||||
Hizkuntzak | gaztelania euskara | ||||||||||||||||||||||||||||||||||||||
Jarduerak | |||||||||||||||||||||||||||||||||||||||
Jarduerak | hamabosteko errugbilaria | ||||||||||||||||||||||||||||||||||||||
| |||||||||||||||||||||||||||||||||||||||
Posizio edo espezialitatea | hirugarren lerroko hegala |
Ibilbidea
Donostiako Bera Beran hezia, Biarritz Olympiqueren prestakuntza-zentroan sartu zen artean junior zela, eta profesional gisa Narbonan debutatu zuen, 2014ko azaroan.[5] 2016ko ekainaren 9an egin zuen debuta Espainiako selekzioarekin, 21 urterekin.[6]
Biarritzen hiru denboraldi egin eta gero, Albiko taldearekin sinatu zuen 2017-18 denboraldirako.[7] Urtebete geroago itzuli zen Biarritz Olympiquera. Hurrengo denboraldietan, mailaz maila igo zen klub zuri-gorrian, lehen taldera iritsi arte. Talde horrekin 84 partida jokatu zituen, horietatik 39 titular.[8][9]
Biarritz Olympiquen zazpi urtez aritu eta gero, Aviron Bayonnaisek kontratatu zuen 2020an,[10][8][9] eta 2022an Top 14ra igotzea lortu zuen Baionako taldearekin.[11] 2022-23 denboraldian, Castres Olympiquek kontratatu zuen.[2] 2023ko abenduan, jokalari gehigarri gisa fitxatu zuen CA Brivek.[3]
Palmaresa
Aviron Bayonnais
- Rugby Pro D2
- irabazlea: 2022
Erreferentziak
Kanpo estekak
- (Frantsesez) Asier Usarraga Txioa "@alentsProD2. Ezaugarriak eta bideoa hainbat jokaldirekin.
- Asier Usarraga, allrugby.com
- Asier Usarraga, itsrugby.fr
- Asier Usarraga, espn.co.uk