Bernardino Machado

Bernardino Luís Machado Guimarães (Rio de Janeiro, 1851ko martxoaren 28a - Porto, 1944ko apirilaren 29a) portugaldar politikaria izan zen. Portugalgo presidentea izan zen 1915etik 1917ra eta 1925etik 1926ra.

Bernardino Machado
Irudi gehiago
8. Portugalgo presidentea 1925eko abenduaren 11 - 1926ko maiatzaren 31 ← Manuel Teixeira Gomes - José Mendes Cabeçadas → Portugalgo Lehen Ministroa 1921eko martxoaren 2a - 1921eko maiatzaren 24a ← Liberato Pinto (en) - Tomé de Barros Queirós (en) → 3. Portugalgo presidentea 1915eko urriaren 5a - 1917ko abenduaren 12a ← Teófilo Braga - Sidónio Pais → Minister of Foreign Affairs (en) 1914ko otsailaren 9a - 1914ko maiatzaren 23a
Bizitza
Jaiotza	Rio de Janeiro, 1851ko martxoaren 28a
Herrialdea	Portugal  Portugalgo Erresuma
Heriotza	Porto, 1944ko apirilaren 29a (93 urte)
Familia
Ezkontidea(k)	Elzira Dantas Machado (en)  (1882ko urtarrilaren 19a -  1942ko apirilaren 22a)
Hezkuntza
Heziketa	Coimbrako Unibertsitatea
Hizkuntzak	portugesa
Jarduerak
Jarduerak	politikaria
Lantokia(k)	Lisboa
Enplegatzailea(k)	Coimbrako Unibertsitatea
Jasotako sariak	ikusi Grand Cross of the Military Order of the Tower and Sword  (1917ko urriaren 6a) Collar of the Order of Charles III  (1917) Grand Cross of the Sash of the Three Orders Grand Cross of the Order of Liberty
Sinesmenak eta ideologia
Alderdi politikoa	Portuguese Republican Party (en)

Brasilen jaio eta 1860an Portugalera iritsi zen. Matematika eta filosofia ikasi zituen Coimbrako Unibertsitatean. Filosofian doktoratu ondoren, nekazaritzan eta landa-ekonomian graduatu zen.

Alderdi Bersortzailearen kide izan zen eta 1882an diputatu hautatu zuten. 1890eko hamarkadan Ernesto Hintze Ribeiroren gobernuan ministro izan zen. Portugalgo masoneriako buruzagi bat ere izan zen.

1903an Portugalgo Alderdi Errepublikanoan sartu zen eta errepublikaren aldarrikapenaren alde lanean hasi zen. 1910ean errepublika aldarrikatu zenean Kanpo Arazoetako ministro izendatu zuten, eta 1911n ez zuten presidente hautatu. Portugalgo lehen enbaxadorea izan zen Brasilen, 1913tik 1914ra.

1914ko otsailetik azarora arte lehen ministro izan zen eta 1915ean errepublikako presidente hautatu zuten. Bere agintaldian Alemaniak gerra egin zion Portugali eta Machadok frontean zeuden soldadu portugaldarrak bisitatu zituen. 1917an Sidónio Paisek zuzendutako estatu-kolpe militar batean kargutik kendu eta erbesteratu egin zen.

1919an erbestetik itzuli eta senatari hautatu zuten. 1921eko otsailetik maiatzera lehen ministro izan zen berriro. 1925ean bigarren aldiz hautatu zuten presidente, Manuel Teixeira Gomesek dimisioa eman ondoren. 1926an diktadura militarra ezarri zuen beste estatu-kolpe batean kargutik kendu zuten. Frantzian erbesteratu eta Portugalera itzuli zen 1940an, herrialdearen iparraldean bizitzeko betebeharrarekin.