FC Dinamo Tbilisi

Beti izan da Georgiako talderik indartsuena. Sobietar Batasuneko Liga ere irabazi zuen birritan (lehenengoa 1964an) bai eta beste bost alditan bigarren egin ere. Kopa ere biritan irabazi zuen baina guztira zortzi aldiz jokatu zuen finala.

70. hamarkadan Europako lehiaketetan aritu zen. 1976an SESBeko Kopa irabazi zuen, 1978an Liga eta 1979an berriz ere kopa. Bolada on hau biribiltzeko Europako Errekopa irabazi zuen. Ekialdeko Alemaniako FC Carl Zeiss Jena gainditu zuen 2-1 Düsseldorfen jokaturiko finalean. Ondoren Superkopa jokatzea tokatzen zitzaion baina Liverpool FC -rekin ezin izan zuen data egokirik adostu eta azkenean titulua jokatu gabe gelditu zen. Hurrengo urtean berriz ere final erdietara iritsi zen baina Standard Lieja belgiarrak utzi zuen finalik gabe partida biak 1-0 irabazi ondoren. Nodar Akhalkatsi entrenatzailearen eskutik lortu zituen garaipen guzti hauek.

1990an Georgiako Liga hasi zen jokatzen. Lehenengo hamar ekitaldiak Dinamok irabazi zituen. Gaur egun bere 18 ligatako marka beste edozein talderen oso gainetik dago.

Sobietar Batasunean: 4

• SESBeko Liga (2): 1964, 1978.
• SESBeko Kopa (2): 1976, 1979.

Georgian: 39

• Georgiako Liga (19): 1990, 1991, 1992, 1993, 1994, 1995, 1996, 1997, 1998, 1999, 2003, 2005, 2008, 2013, 2014, 2016, 2019, 2020, 2022.
• Georgiako Kopa (13): 1992, 1993, 1994, 1995, 1996, 1997, 2003, 2004, 2009, 2013, 2014, 2015, 2016.
• Georgiako Superkopa (7): 1996, 1997, 1999, 2005, 2008, 2014, 2015.

Nazioartean: 2

Europako Errekopa

• Txapelduna (1): 1981.

Estatu Independenteen Erkidegoko Kopa

• Txapelduna (1): 2004.
• Finalista (1): 1995.

Dinamo Tbilisik kanporaketa bakarra jokatu du euskal taldeen aurka:

• (Ingelesez) (georgieraz) (Errusieraz)Dinamoren webgunea