Hainan

Hainan, uhartea den probintzia bakarra da, eta Txina hegoaldean dago Guangdongeko probintziatik (Leizhou penintsula) itsarte estu batek banatzen duelarik. Txinako probintziarik txikiena da, eta Deng Xiaopingek 1980ko hamarkadan izendatutako Gune Ekonomiko Berezietatik handiena.

Hainan uharteak Belgikaren antzeko azalera dauka, eta Txinako Herri Errepublikako uharterik handiena da, Taiwan probintzia kontutan hartzen ez bada. Hainan mendebaldean Tonkingo golkoa dago, eta probintziako punturik altuena Wuzhi mendia da, itsasoaren mailatik 1.876 metrora. Hainan uharte nagusitik hegoaldera beste berrehun bat uharte daude, eta Txinako Herri Errepublika eta Malasiak gatazka dute uharte horien gaineko kontrola bereganatu nahi dutelako.

Klima

Hainan probintziak klima azpitropikal hezea dauka, tenperatura epela da urte osoan zehar, baita neguan ere, eta prezipitazioak ugariak (2.000mm inguru jausten dira batez beste). Hainan probintzian Txinako Herri Errepublikako hondartzarik ezagunenetakoak daude, eta horien artean handiena Sanyako hondartza. Milaka turista txinatarren oporretarako lekua da Sanya.

1980ko hamarkadan Gune Ekonomiko Berezi izendatu zutenetik, probintziak garapen handia izan duen arren, egitasmoen emaitzak ez ziren Txinako Herri Errepublikako gobernuak uste izan zituenak, eta Shenzhen bezalako hiriek lortutako garapen eta hazkundetik urruti geratu da Hainan.

Txinako probintzia gehienak ez bezala, Hainanek beste administratzio sistema bat darabil konderri eta barrutiak sailkatzeko eta horregatik prefektura mailako bi hiri, hamar konderri eta sei udalerrik osatzen dute.

Mapa	#	Izena	Txinera sinplifikatuz	Pinyineraz	Mota
	1	Haikou	海口市	Hǎikǒu Shì	Prefektura mailako hiria
	2	Sanya	三亚市	Sānyà Shì	Prefektura mailako hiria
	3	Wenchang	文昌市	Wénchāng Shì	Azpiprefektura mailako hiria
	4	Qionghai	琼海市	Qiónghǎi Shì	Azpiprefektura mailako hiria
	5	Wanning	万宁市	Wànníng Shì	Azpiprefektura mailako hiria
	6	Wuzhishan	五指山市	Wǔzhǐshān Shì	Azpiprefektura mailako hiria
	7	Dongfang	东方市	Dōngfāng Shì	Azpiprefektura mailako hiria
	8	Danzhou	儋州市	Dānzhōu Shì	Azpiprefektura mailako konderria
	9	Lingao	临高县	Língāo Xiàn	Azpiprefektura mailako konderria
	10	Chengmai	澄迈县	Chéngmài Xiàn	Azpiprefektura mailako konderria
	11	Ding'an	定安县	Dìng'ān Xiàn	Azpiprefektura mailako konderria
	12	Tunchang	屯昌县	Túnchāng Xiàn	Azpiprefektura mailako konderria
	13	Changjiang Li Konderri Autonomoa	昌江黎族自治县	Chāngjiāng Lízú Zìzhìxiàn	Azpiprefektura mailako konderri autonomoa
	14	Baisha Li Konderri Autonomoa	白沙黎族自治县	Báishā Lízú Zìzhìxiàn	Azpiprefektura mailako konderri autonomoa
	15	Qiongzhong Li eta Miao Konderri Autonomoa	琼中黎族苗族自治县	Qióngzhōng Lízú Miáozú Zìzhìxiàn	Azpiprefektura mailako konderri autonomoa
	16	Lingshui Li Konderri Autonomoa	陵水黎族自治县	Língshuǐ Lízú Zìzhìxiàn	Azpiprefektura mailako konderri autonomoa
	17	Baoting Li eta Miao Konderri Autonomoa	保亭黎族苗族自治县	Bǎotíng Lízú Miáozú Zìzhìxiàn	Azpiprefektura mailako konderri autonomoa
	18	Ledong Li Konderri Autonomoa	乐东黎族自治县	Lèdōng Lízú Zìzhìxiàn	Azpiprefektura mailako konderri autonomoa
	19	Paracels, Spratlys, eta Zhongsha uharteak	海南省西沙群岛、南沙群岛、中沙群岛办事处	Hǎinán shěng Xīshā Qúndǎo, Nánshā Qúndǎo, Zhōngshā Qúndǎo Bànshìchù

Hainan probintziako gobernadorea Luo Baoming da. Txinako Alderdi Komunistak probintzian duen ordezkaria Wei Liucheng da.

Aireportuak

• (Txineraz) Hainango gobernuaren webgunea.