Idauze-Mendi

Idauze-Mendi
	Zuberoa, Euskal Herria
	Idauze-Mendiko herriko etxea eta eskola.
Kokapena
Herrialdea	Euskal Herria
Lurraldea	Zuberoa
Administrazioa
Estatua	Frantzia
Eskualdea	Akitania Berria
Departamendua	Pirinio Atlantikoak
Elkargoa	Euskal Hirigune Elkargoa
Barrutia	Oloroe-Donamaria
Kantonamendua	Euskal Mendialdea
Izen ofiziala	Idaux-Mendy
Auzapeza	Roger Erramuzpe; (2008-2014)
Posta kodea	64130
INSEE kodea	64268
Herritarra	idauztar-mendiar
Kokapena
Koordenatuak	43°10′30″N 0°54′58″W / 43.175°N 0.9161°W
Azalera	9,67 km2
Garaiera	152 – 331 metro
Demografia
Biztanleria	275 (2018: 1)
Dentsitatea	26,78 biztanle/km²
Zahartzea	% 16,49
Ugalkortasuna	‰ 33,56
Ekonomia
Jarduera	% 74 (2011)
Desberdintasuna	% 0,16 (2011)
Langabezia	% 5,21 (2013)
Euskara
Euskaldunak	% 57,41 (2010)
Erabilera	% 25,05 (2011)
Datu gehigarriak
Sorrera	1842. urtea

Idauze-Mendi ([iðaus̻e menði]) Zuberoako udalerria da, Arbaila eskualdean kokaturik dagoena.

Geografia

Biztanle-guneak

Arrotzan
Idauze
Mendi

Ingurune naturala

Uhaitzandi ibaia udalerritik igarotzen da, bertara isurtzen diren Arangorena (12,5 km) eta Uhalteberri errekekin batera.

Udalerri mugakideak

Gotaine-Irabarne ipar-ekialdean
Urdiñarbe ipar-mendebaldean
Mendikota ekialdean
Altzürükü hego-mendebaldean
Ozaze-Zühara hegoaldean

Historia

Idauze eta Mendi herriak 1842. urteko ekainaren 27an batu ziren udalerri bakarra osatzeko.

Ekonomia

Udalerriko ekonomiaren oinarria laborantza den arren, berriki itsas produktuekin lan egiten duen enpresa bat kokatu da bertan.

Demografia

XIX. mendearen erdialdean, bi herriek bat egin ondoren, ia 500 biztanle izatera iritsi zen udalerria. Hala ere, populazioak beheranzko joera etengabea izan zuen bi mendez, eta 1982an 227 biztanle soilik zituen. Ondoren pixka bat igo zen populazioa, baina 250 pertsonen bueltan geratu zen.

Idauze-Mendiko biztanleria

Datuen iturburua: INSEE

Kultura

Euskara

Idauze-Mendin^[2] Basabürüako hizkera^[3] erabiltzen dute, zuberotar euskalkiaren aldaera.

Idauze-Mendiko Philippe Etchegoyhen^[4] (Ahotsak^[5] proiekturako)

Euskal Herria Zuzenean

Euskal Herria Zuzenean (EHZ) jaialdia 2004tik 2008ra bitartean Mendi herrian egin zen urtero.

Politika

Alkateak

Alkatea	Agintaldia	Alderdia
Jean Pochelu	1983-1989
François Dascon	1989-1995
François Dascon	1995-2001
François Dascon	2001-2008
Roger Erramuzpe	2008-2014

Ondasun nabarmenak

Burdin Aroko kokaleku protohistoriko baten aztarnak daude udalerriko lurretan, Ameztegian. Monumentu izendaturik daude 1982. urtetik aurrera.^[6]
Zenbait errota zahar ere badaude herrian: Xamalbide, Xoro eta Etxatz esaterako.
Idauzeko eliza XVIII. mendekoa da eta, Mendikoak moduan, estilo zuberotarreko kanpandorre trinitarioa du.