Jean Dorst
Jean Dorst (Mulhouse, Frantzia, 1924 – Paris, Frantzia, 2001) frantses zoologoa izan zen, ornitologian espezializatua.
| Jean Dorst | |||
|---|---|---|---|
 (2017) | |||
1976 - 1985 | |||
| Bizitza | |||
| Jaiotza | Mulhouse, 1924ko abuztuaren 7a | ||
| Herrialdea |  Frantzia | ||
| Heriotza | Paris, 2001eko abuztuaren 8a (77 urte) | ||
| Hezkuntza | |||
| Hizkuntzak | frantsesa | ||
| Jarduerak | |||
| Jarduerak | ornitologoa eta filosofoa | ||
| Enplegatzailea(k) | Historia Naturalaren Museoa | ||
| Lan nabarmenak | ikusi
| ||
| Jasotako sariak | ikusi
| ||
| Kidetza | Société Philomathique de Paris (en)  Frantziako Zientzien Akademia Itsasoz-haraindiko zientzien akademia Société zoologique de France (en) French Council for Nature Protection (en) Lurraren Adiskideak Ligue pour la protection des oiseaux (en) | ||
| Mugimendua | Ekologismoa | ||
  | |||
Biografia
Parisko Historia Naturaleko Museo Nazionaleko irakasle eta Zoologia Laborategiko zuzendari izan zen. Museo horretako zuzendari ere izan zen 1976tik 1985era. 1973an, Zientzia Akademiako kide hautatu zuten.
Hainbat lan idatzi zituen historia naturalari buruz, besteak beste, L'Univers de la vie (1975, Bizitzaren unibertsoa) eta La Force du vivant (1979, Biziaren indarra). Nolanahi ere, hegaztiei buruzko lanak idatzi ditu, batez ere: Les Migrations des oiseaux (1956-1962, Hegaztien migrazioak), la Vie des oiseaux (1972, Hegaztien bizitza), Les Oiseaux ne sont pas tombés du ciel (1995, Hegaztiak ez dira zerutik erori).
Dorsten lan nagusia Avant que la nature meure (Natura hil baino lehen) lana da, 1965ean argitaratua eta hamazazpi hizkuntzatara itzulia. Lan horretan, gizakiaren jarduerek izadian eragin dituzten hondamen guztiak aipatzen ditu, hasi desagertu diren edo desagertzeko zorian dauden animalietatik eta kutsadura arte. Lan hori oso lagungarria izan zen mugimendu ekologista sortzeko.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q716473
Multimedia: Jean Dorst / Q716473
Espezieak: Jean Dorst
