Kataluniako Futbol Txapelketa
Kataluniako Futbol Txapelketa (katalanez Campionat de Catalunya de futbol) urtero XX mendearen hasieran Kataluniako taldeen artean jokatu zen txapelketa da. Bartzelona Futbol Kluba da garaipen gehien lortu zituen taldea.
| Kataluniako Futbol Txapelketa Campionat de Catalunya de futbol | |
|---|---|
| Antolatzailea | Kataluniako Futbol Federazioa |
| Sorrera | 1900 (Copa Macaya) 1903-1940 (Kataluniako Tx.) |
| Eremua |  Katalunia |
| Garaipen gehien | FC Barcelona (22 Kopa) |
| Txapelduna | RCD Espanyol (1940) |
Historia
Copa Macaya
1900 urtean Copa Macaya jokatu zen. Iberiar penintsulan ligaxka eran antolaturiko lehen futbol txapelketa izan zen. Honako hauek izan ziren irabazleak:
- 1900-01: Hispania CF
- 1901-02: FC Barcelona
- 1902-03: RCD Espanyol
Hainbat istilu izan ziren azkenengo txapelketan eta Bartzelonak bere aldetik txapelketa paralelo bat antolatu zuen, Copa Barcelona izenekoa, eta berak irabazi zuen.
Kataluniako txapelketa
1903an Bartzelonako Taldeen Elkarteak txapelketa berria abiarazi zuen, gerora penintsulako garrantzitsuenetakoa izango zena eta Katalunian sona eta tradizio handia lortu zuena. Garaileak Espainiako Errege Koparako txartela lortzen zuen gainera. 1912-13 denboraldian berriz ere ezadostasunak azaldu ziren eta bi txapelketa antolatu ziren, bata FC Espanyak irabazi zuen eta bestea FC Bartzelonak.
1917-18 denboraldian aldaketa batzuk egin ziren egituraketan, txapelketa serio eta profesionalagoa egin nahian. Bi maila ezarri ziren. A mailan 6 talde eta B mailan beste 6. 1924an A maila 8 taldetara zabaldu zen.
Gerra Zibilaren ondoren txapelketa debekatu egin zen. 1940koa izan zen beraz azken ekitaldia.
Palmaresa
|
|
|
Garaipenak
| Taldea | Garaipenak | Urteak |
|---|---|---|
| FC Barcelona | 21 | 1905, 1909, 1910, 1911, 1913, 1916, 1919, 1920, 1921, 1922, 1924, 1925, 1926, 1927, 1928, 1930, 1931, 1932, 1935, 1936, 1938 |
| RCD Espanyol | 8 | 1904, 1912, 1915, 1918, 1929, 1933, 1937, 1940 |
| X Sporting | 3 | 1906, 1907, 1908 |
| FC Espanya | 3 | 1913, 1914, 1917 |
| CE Europa | 1 | 1923 |
| CE Sabadell | 1 | 1934 |
Ikus, gainera
Kanpo estekak
Datuak: Q1031297
