Maddi Ane Txoperena
Maddi Ane Txoperena Iribarren (Hendaia, Lapurdi, 1994ko azaroaren 23a) kazetaria, bertsolaria, eleberrigilea eta ekintzaile feminista da.[1]
| Maddi Ane Txoperena | |
|---|---|
 | |
| Bizitza | |
| Jaiotza | Hendaia, 1994ko azaroaren 23a (29 urte) |
| Herrialdea |  Lapurdi, Euskal Herria |
| Hezkuntza | |
| Heziketa | Euskal Herriko Unibertsitatea |
| Hizkuntzak | euskara frantsesa |
| Jarduerak | |
| Jarduerak | bertsolaria, kazetaria, emakumeen eskubideen aldeko ekintzailea eta eleberrigilea |
 | |
Bizitza
Maddi Ane Txoperena Hendaian sortu zen, eta gaur egun Lesakan bizi da. Gasteizen Euskal Ikasketak hasi eta urte batera utzirik, hainbat hedabidetan aritu da lanean: Berria egunkariaren Baionako delegazioan eta Topatu.eus Euskal Herriko gazte komunikazioko proiektuan, kazetari gisa; eta Berriako Larrepetit iritzi sailean, zutabegile. Egun, Gizarte Antropologiako ikasketak bukatzen ari da Donostian, EHU Euskal Herriko Unibertsitatean, eta Berriako kazetaria da, Euskal Herria sailean.
Bertsolaria ere bada: 8 urte ingururekin hasi zen Hendaiako bertso eskolan, bere ahizpa Kristine Txoperena han zebilela-eta animatuta. Euskal Herriko eskolarteko txapela jantzi zuen 2011n,[2] eta hainbat gazte sariketatan parte hartu du. 2012an Xilaba bertsolari txapelketan parte hartu zuen.[3] 2020ko urrian Xilabako hirugarren kanporaketan nagusitu zen.[4] Bortzirietako bertso eskola partaidea da.[5]
2020. urtean, Gazteluma bekari esker, Ene baitan bizi da nobela laburra idatzi zuen.[6]
Urte berean, Igartza saria irabazi zuen Ez erran inori izeneko nobela proiektuarekin.[7]
Bertsolaritza
Txapelketak
Xilaba Bertsulari Xapelketa
- 2019ko Xilaba Bertsulari Xapelketa: txapelduna (Talde irabazleko kideak: Maddi Ane Txoperena, Miren Artetxe, Josu Txoperena eta Gorka Artetxe)
- 2021eko Xilaba Bertsulari Xapelketa: finalista. Seigarren.
Eskolartekoak
- Euskal Herriko Eskolarteko Txapelketa:
- Txapelduna (1): 2011.
- Iparraldeko Eskolarteko Txapelketa:
- Txapelduna (2): 2009 eta 2011
Lanak
Narrazioa
- Ene baitan bizi da (Elkar, 2020)[8]
- Ez erran inori (Elkar, 2022)[9][10]
Bertsoak
- Bertso sorta bat koronabirusari (2020).[11]
Sariak
- 2020an XXIII. Igartza saria irabazi zuen, Ez erran inori nobela proiektuari esker.[12][13]
- 2020an X. Gazteluma saria irabazi zuen, Ene baitan bizi da nobelarekin.
Erreferentziak
Kanpo estekak
- Maddi Ane Txoperena. Twitter kontua.
- Maddi Ane Txoperena Ene baitan bizi da eleberria aurkezten, Youtube, 2020-05-20.
- «Maddi Ane Txoperena: “Gizartean ez zaio garrantzirik eman izan andreen historiari”», Berria, 2020-10-30.
Datuak: Q87782165
