Napolioni Bolaca
Napolioni Ratu Bolaca[1] (Lauwaki, Fiji, 1996ko azaroaren 20a), Fijiko zazpiko eta hamabosteko errugbi jokalaria da, 2019az geroztik Fijiko zazpiko errugbi selekzio nazionalean jokatzen duena. Klub mailan, Drua taldean jokatzen du Fijin. Bolaca 2019-20 World Rugby Sevens Serieetako puntuatzailerik onena izan zen. 2020ko Udako Olinpiar Joko atzeratuetan, Gizonezkoen zazpi errugbi txapelketa irabaziko zuen Fijiko selekzioko parte izan zen.
| Napolioni Bolaca | |
|---|---|
| Bizitza | |
| Jaiotza | Lauwaki, 1996ko azaroaren 20a (27 urte) |
| Herrialdea |  Fiji |
| Jarduerak | |
| Jarduerak | zazpiko errugbi jokalaria |
Parte-hartzailea | |
| Pisua | 90 kilogramo |
| Altuera | 178 zentimetro |
  | |
Klubaren ibilbidea
Klub mailan, Bolacak Yasawarekin jokatu du errugbi batuko Skipper Cupen[2] eta zazpiko errugbi lehiaketetan[3]. Fijin, Barbarians taldean ere jokatu du Super 7 Serietan[4]. Lesio baten ondorioz, 2020ko Skipper Koparen zati bat galdu zuen[5]. Bolaca Wadigin errugbian jokatzen ari zela, kazetari batek ikusi, eta Gareth Baber fijiar entrenatzaileari gomendatu zion[6].
2021eko irailean, Bolacak, Fijin, Drua-rekin sinatu zuen 2022ko Super Rugby Pacific denboraldia hasi aurretik. Druak inoizko lehen mailako fitxaketa bat izan zela aitortu zuen[7].
Nazioarteko ibilbidea
Bolacak, Fijiko zazpiko errugbi-selekzio nazionalean, 2018-19 World Rugby Sevens Serieetako 2019ko Singapurreko Zazpiko ekitaldian egin zuen debuta[8]. Bi entsegu eta bost transformaio lortu zituen 2019ko Paris Sevens ekitaldiko finalean, zeinetan Fijik World Sevens Serieak irabazi baitzuen[9]. Fijin, 2019ko Samoako Pazifikoko Jokoetan, zazpiko-errugbi proban jokatu zuen[10].
Bolaca, 2019-20 World Rugby Sevens Serieetan, puntuaziorik onena lortu zuen jokalaria izan zen, 159 punturekin[11][12]. Fijik, 2020ko Sydney Sevenseko finalean, bi entsegu lortu zituen, [[Hego Afrika|Hegoafrikari irabazi baitzion[13]. Los Angelesen 2020ko USA Sevens ekitaldian, Bolacak Impact Player saria irabazi zuen[14]. Vancouver-eko 2020ko Canada Sevens-eko lehen jardunaldiari, "Bolaca Show" ezizena jarri zioten hiru entsegu lortu ostean, Frantziaren aurkako partidan ihesaldi bat barne[15]. Sevens Serieetako entsegu onenaren Pressure Play saria eman zioten Sydneyko Zazpiko finalean egindako entsegu batengatik[5][16]. Sevens Series Dream Team-en ere izendatu zuten[5][17]. Gareth Baber Fijiko entrenatzaileak esan zuen Bolaca taldeko jokalari onena izan zela 2018-19 eta 2019-20 World Rugby Sevens Serietan[11], eta "zazpiko errugbiaren etorkizuna" izendatu du Bolaca[18].
Bolaca Fijiko selekzioan hautatu zuten 2021eko Oceania Sevens Txapelketarako, 2020ko Udako Olinpiar Jokoen aurretiko beroketa txapelketarako[19]. 2021eko uztailean, Olinpiar Jokoetako Gizonezkoen zazpiko-errugbi txapelketarako izendatu zuten Fijiko selekzioan. Zeelanda Berriaren aurka hasi zuen finala, eta Fijik 27-12 irabazi zuen[20]. Bolaca 2021eko World Rugby Gizonezkoen Zazipiko-errugbi urteko jokalaririk onenaren sarirako hautagaia izan zen; Marcos Monetak irabaziko zuen[21].
Bizitza pertsonala
Bolaca Lauwakikoa da, Fiji. Lau anai-arreba nagusi ditu, eta aita Lauwaki errugbi taldeko entrenatzaile lanetan aritu izan da[18].
Olinpiar Jokoak
2020ko Udako Olinpiar Jokoetan, Tokio 2020an (Tokio), urrezko domina irabaziko du Fijiko taldearekin, Zeelanda Berrikoaren (zilarrekoa) eta Argentinakoaren (brontzezkoa) aurretik sailkatuz. Hauek osatuko dute Fijiko taldea: Napolioni Bolaca, Vilimoni Botitu, Meli Derenalagi, Sireli Maqala, Iosefo Masi, Waisea Nacuqu, Kalione Nasoko, Semi Radradra, Aminiasi Tuimaba, Asaeli Tuivuaka, Jerry Tuwai, Josua Vakurunabili eta Jiuta Wainiqolo-k[22][23].
Emaitzak
| Udako Olinpiar Jokoak | |||
|---|---|---|---|
| Urtea | Lekua | Domina | Proba |
| 2020 | Tokio  Japonia |  | Zazpiko-errugbia gizonezkoa[24]. |
Erreferentziak
Kanpo estekak
Datuak: Q90294287
