Nozizepzio

Nozizepzioa prozesu neuronal bat da, zeinaren bidez ehunentzat kaltegarriak izan daitezkeen estimuluak kodetu eta prozesatzen diren.^[1] Nerbio-sistema zentral eta periferikoaren jarduera aferentea (sentsore) da, nozizeptore^[2] edo "minaren errezeptore" izeneko nerbio-bukaera aske espezializatu batzuen estimulazioaren ondorioz sortzen dena, sistemaren atalasetik gorako aldaketei soilik erantzuten diena.^[3][4]

Nozizepzioak hainbat erantzun autonomo aktibatzen ditu, eta izaki sentigarriengan minaren esperientzia subjektibo bat izatea eragin dezake.^[4] Neurona nozizeptiboek estimulu biziei erantzuteko ekintza potentzialak sortzen dituzte, eta tiroaren maiztasunak minaren intentsitatea baldintzatzen du.^[5]