Richie Porte
Richard Julian "Richie" Porte (Launceston, Tasmania, 1985eko urtarrilaren 30a) BMC Racing Teamn lehiatzen dabilen txirrindulari australiarra da.
_-_troisi%C3%A8me_%C3%A9tape_du_Tour_de_Romandie_2010.jpg)
2007-2008: hasierak
Hasieran, 18 urteko gaztea zenean, triatloiarekin hasi zen, eta 21 urte zituenean, errepideko txirrindularitza soilik praktikatzera igaro zen. Arin hasi zen amateur mailan nabarmentzen, lehenengo, 2007ko Bright-goko Tour-a irabaziz eta geroago, 2008ko urtarrilean Praties talde profesional australiarrarekin Erlojupeko Australiako Txapelketan bostgarren eta Errepideko Australiar Txapelketan laugarren postua lortuz. Emaitza bikain horiei esker, talde-nazional australiarrak hautatuta joan zen Down Under Tour-ean lehiatzeko, sailkapen nagusian bederatzigarren izatea lortu zuen tokian, lehenengo etapan eskapatu eta denbora irabazi eta gero. Wellington-eko Tour-eko etapa baten garaile suertatu zen beranduago.
2008-2009: profesionala Ozeanian eta amateurra Italian
Ozeaniako egutegi txirrindularia bukatu zenean, Praties taldearen baimenaz, garaipen bat lortu zuen Italiako talde amateur batekin egon zen lehiatzen. Denboraldi amaieran, Ozeaniara bueltatu zen bere Praties talde profesionalarekin kontinenteko lasterkak egiteko, hauetan, Herald Sun Tour-ean bostgarren postua lortu eta Perth-eko eta Tasmaniako Tour-a irabazi zituen.2009an, podiumera igo zen hirugarren postuarekin Australiako Erlojupeko Txapelketan, eta hamargarren geratu zen Langkawi-ko Tour-ean.
Italiara joan zen berriro ere, Andrea Tafi-k zuzentzen zuen Mapei Monsummanese Grassi talde amateurrean lehiatzeko, Friuli Venezia Giulia-ko Giroa irabazi eta Copa della Pace-n podiumera igo zen tokian. Praties talde australiarretik erabat kanpo egon zenean, lehen zegoen taldeak baino maila altuagoa zuen talde baten arreta deitzeko asmoz, denboraldiko lehen helburuan, Baby-ko Giroa-n, parte hartu zuen. Honetan, erlojupeko etapa bat irabazi eta amaierako sailkapen nagusian hamalaugarren geratu zen. 2009ko Abuztuan Citta di Felinoko GP-a irabazi zuen, horrek Team Saxo Bank taldearen ateak ireki zizkion. Bere talde berriko zuzendariak, Bjarne Riis-ek, bere gaitasuna nabarmendu zuen, irabazleen izaera zuela esanez.
2011-2012: Saxo Bank taldeko azken urtea eta Team Sky-rako eskualdatzea
Saxo Bankeko azken urtea, Alberto Contadorren gregario bezala egin zuen eta Italiako Giro eta Frantziako Tour-ean parte hartu zuen.Espainiako Itzulian zehar, Sky Procycling britaniar talderako eskualdaketa baieztatu zen, bere herrialdeko taldeak egindako eskaintzari uko eginez.
2013: garaipen garrantzitsuak eta gregario bezalako lana
Paris-Niza eta bertako bi etapa irabazi zituen. Gainera, etapa garaipenak eta sailkapen nagusian bigarren eta hirugarren postuak lortu zituen Nazioarteko Kriteriumean eta Euskal Herriko Itzulian.Frantziako Tourrean taldeko liderra, Chris Froome, laguntzeko parte hartu zuen. Horretaz gain, azkenean hemeretzigarren geratu zen sailkapen nagusian.
Palmaresa
2008
2009
2010
2011
2012
2013
2014
2015
| 2016
2017
2018
2019
2020
2021
2022
|
Sailkapen orokorra Itzuli Handietan
| Itzuli Handia | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 |
|---|---|---|---|---|---|---|---|---|---|---|---|---|
 Italiako Giroa | 7. | 80. | — | — | — | UT | — | — | — | — | — | — |
 Frantziako Tourra | — | 72. | 34. | 19. | 23. | 48. | 5. | UT | UT | 11. | 3. | 38. |
 Espainiako Vuelta | — | — | 68. | — | — | — | — | — | 84. | — | — | — |
 Munduko Txapelketa | — | — | UT | UT | — | — | — | — | — | — | 25. | — |
| Munduko Erlojupeko Tx | 4. | 6. | — | 17. | — | — | — | — | — | — | — | — |
| — | Ez zuen parte hartu |
| DSK | Deskalifikatua |
| UT | Utzi |
Erreferentziak
Kanpo estekak
Richie Porte - ProCyclingStats
Datuak: Q518222
Multimedia: Richie Porte / Q518222
