1912an sortu zen Swansea Town AFC izeneko taldea. Ez zuen hasiera erraza izan, Swansea ingurua oso errugbizalea izan baita beti. Lehenengo garaipena berehala iritsi zen, 1913ko Galesko Kopa hain zuzen ere. Urte horretan Ingalaterrako Kopa jokatzeko aukera izan zuen eta aurreko urtean Ingalaterrako txapelduna izan zen Blackburn Rovers gainditu zuen lehen kanporaketan, baina hurrengoan kaleratua izan zen. hamarkada bat beranduago, 1926an, final erdietara iritsi zen.
Hurrengo hamarkadetan Galesko Kopa batzuk irabazi zituen arren taldearen maila apala zen Ingalaterrakoen aurrean. Hala ere 1992an Galesko futbol liga sortu zenean Swanseak Ingalaterran lehiatzen jarraitzea erabaki zuen.
2005ean Vetch Field zelai zaharra utzi eta Liberty Stadium berria estrenatzeaz batera Premier Leaguera igotzea lortu zuen. Orain arteko Ingalaterra mailako lehenengo titulua 2013ko Ligako Kopan lortu zuen finalean Bradford City 5-0 gaindituz. 2017-18 denboraldian 18. egin du eta mailaz jeitsi da.