Terrorismoaren aurkako gerra

Terrorismoaren aurkako gerra (ingelesez War on Terror) 2001eko irailaren 11ko Ameriketako Estatu Batuen aurkako atentatuen ostean egindako nazioarteko kanpaina militarraren izena da^[5]. Helburu nagusia mundu musulmanean dauden talde islamista estremistak dira, batez ere al-Kaida eta Estatu Islamikoa, zein munduan zehar dituzten beste izendapen batzuk^[6][7]. Estatu Batuek eta Erresuma Batuak zuzenduak, NATOren kideek eta beste hainbat herrialdek hartzen dute parte.^[8]

Terrorismoaren aurkako gerra
2001eko irailaren 11ko atentatuen osteko irudia; Estatubatuar infanteria Afganistanen; Estatubatuar soldadu bat bere afganiar itzultzailearekin Zabul probintzian, Afganistan; Kotxe-bonba baten eztanda Bagdaden
Data	2001eko irailaren 11 – gaur egun[1][2]
Lekua	Mundua (nagusiki Ekialde Hurbil Handia)
Egoera	Afganistango gerra (2001-2014): Talibanen gobernuaren erorketa al-Qaedaren kanpamenduen suntsipena Talibanen insurgentsia Ipar-mendebaldeko Pakistango gerra Osama bin Ladenen heriotza Irakeko Gerra (2003–2011): Ba'ath gobernuaren erorketa Saddam Husseinen heriotza Hauteskundeak Irakiar insurjentzia Insurgentzia Yemenen (1992–2015): AEBen bonbardaketak herrialdean zehar Yemengo Gerra Zibila Ipar-mendebaldeko Pakistango gerra (2004tik): Insurgentzia Talibanen kontrolpeko eskualdeak Pakistango gobernuaren arazoak CIAk egindako dronen erasoak Estatu Islamikoaren aurkako Gerra (2014tik): Insurgentzia AEBen bonbardaketak Irak, Siria, Libia eta Nigerian ISISen burugabetzeak Besteak: Afrikako Adarreko askatasun iraunkor operazioa Filipinetako askatasun iraunkor operazioa Saharaz haraindiko askatasun iraunkor operazioa Karibe eta Erdialdeko Amerikako askatasun iraunkor operazioa
Gudulariak
Nagusiak: NATO  Ameriketako Estatu Batuak  Erresuma Batua NATOn ez daudenak:  Afganistan  Pakistan  Irak  Yemen Al-Qaeda Taliban Estatu Islamikoa
Buruzagiak
Tommy Franks John Abizaid William J. Fallon David Petraeus James Mattis Dan K. McNeill David D. McKiernan Stanley A. McChrystal John R. Allen Mohammed Omar Baitullah Mehsud † Mullah Dadullah † Osama bin Laden † Ayman al-Zawahiri Abu Musab al-Zarqawi † Abu Ayyub al-Masri † Anwar al-Awlaki † Moktar Ali Zubeyr Nasir al-Wuhayshi Abu Musab Abdel Wadoud Abu Bakr al-Baghdadi Abu Ali al-Anbari †
Galerak
800.000 hildako baino gehiago[3]. 37 milioi desplazatu baino gehiago[4].

'Terrorismoaren aurkako gerra' esapidea lehendabizikoz George W. Bush presidenteak 2001eko irailaren 20an erabili zuen^[9]. Harrezkero, Bushen administrazioak eta mendebaldeko hedabideek militarki, politikoki, legalki edo ekonomikoki terroristatzat hartutako erakunde eta erregimenak erasotzeko esaldia erabili dute, batez ere islamistak edo al-Qaedaren kideak aipatzean.

Nahiz eta Barack Obama presidentearen administrazioak esapidea erabili ez (honek "itsasoz haraindiko kontingentzia operazioa" edo Overseas Contingency Operation hobesten du), politikariek, hedabideek edo indar armatuek erabiltzen dute^[10].

Era berean, Bushek operazio handiak (Afganistango eta Irakeko gerrak) hasi arren, Obamak droneen erasoak hobesten ditu gerrak oraindik martxan dauden arren.