Umberto Mastroianni
Umberto Mastroianni (Fontana Liri, 1910eko irailaren 21a - San Marino, 1998ko otsailaren 25a) italiar eskultorea izan zen. Marcello Mastroianniren osaba, artisten familia batean sortu zen eta horri esker oso gaztetatik jardun ahal izan zen eskulturgintzan. 1926. urtean Turina aldatu zen, eta han hasi zen artea lantzen. 1935ean italiar eskulturari buruzko erakusketa batean parte hartu zuen Berlin, Viena eta Budapesten, eta 1940an Veneziako Bi Urtekoan parte hartu zuen. Bigarren Mundu Gerrako italiar erresistentziaren miresle gisa nabarmendu zen berehala, eta hori izan zen bere obran agertzen zen gai nagusietako bat. Hain zuzen ere, 1945ean sari nazional bat lortu zuen Partisanoen monumentua lanarekin, eta haren ondoren gai horri berari buruzko eskulturez osaturiko sail bat osatu zuen; besteak beste, Turin, Cuneo, Frosinone eta Urbinoko monumentuek osatzen dute sail hori. 1957. urtean Boloniako Arte Ederretako Akademiako eskultura irakasle izendatu zuten. 1975ean erakusketa zabal bat antolatu zuen Parisen, Mugimenduak, formak eta proposamenak izenburupean. 1987. urtean hogeita zazpi eskultura eman zizkion Italiari, eta Erromako Arte Modernoko Museoak berari eskainitako areto batean daude ikusgai. Bere azken lan handia 1994. urtean amaitu zuen, eta Turingo Regio antzokian jarri zen ikusgai.
| Umberto Mastroianni | |
|---|---|
 | |
| Bizitza | |
| Jaiotza | Fontana Liri, 1910eko irailaren 21a |
| Herrialdea |  Italiako Erresuma (1910eko irailaren 21a - 1946ko ekainaren 18a) Italia (1946ko ekainaren 18a - 1998ko otsailaren 25a) |
| Bizilekua | Turin |
| Heriotza | Marino, 1998ko otsailaren 25a (87 urte) |
| Hezkuntza | |
| Hizkuntzak | italiera |
| Jarduerak | |
| Jarduerak | eskultorea, bitxi diseinatzailea, partisanoa eta artista bisuala |
Parte-hartzailea
| |
| Lantokia(k) | Bolonia |
| Jasotako sariak | ikusi
|
| Mugimendua | arte abstraktua |
| Genero artistikoa | arte abstraktua |
Bere hilobia Carmagnolan, Turinetik gertu dago.
Erreferentziak
Wikimedia Commonsen badira fitxategi gehiago, gai hau dutenak: Umberto Mastroianni  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q573214
Multimedia: Umberto Mastroianni / Q573214
