Invasión rusa de Ucraína

O 24 de febreiro de 2022, Rusia comezou unha invasión militar en Ucraína, un dos seus países veciños do suroeste. Os primeiros informes declararon esta invasión como a maior operación militar de guerra convencional en Europa dende a segunda guerra mundial.^[30][31] Este suceso marcou un aumento na escalada da violencia na actual guerra ruso-ucraína, a cal comezou en febreiro de 2014.

Invasión rusa de Ucraína de 2022
Parte de Guerra ruso-ucraína
Mapa dos territorios ocupados por Rusia en Ucraína.
Data 24 de febreiro de 2022 - presente Lugar Ucraína Resultado As tropas rusas entran en Ucraína dende Rusia, Crimea e Belarús[1]
Belixerantes
Rusia RP de Donetsk[a] RP de Luhansk[a] Apoiados por:  Belarús[b] (negado oficialmente)  Transnistria (presunto)[c]	Ucraína Provedores de armas:  Canadá[d]  República Checa[e]  Estonia[f]  Letonia[g]  Lituania[h]  Países Baixos[i]  Polonia[j]  Turquía[k]  Reino Unido[l]  United States[m] Axuda militar non letal:  Alemaña[n]  Italia[o]  Eslovaquia[p]  Suecia[q]  Unión Europea[r]  Belarús Oposición belarusa[s]
Líderes
Vladimir Putin Mikhail Mishustin Sergey Shoygu Sergey Lavrov Valery Gerasimov Denis Pushilin Vladimir Pashkov Leonid Pasechnik Sergey Kozlov	Volodymyr Zelenskyi Denys Shmyhal Oleksii Reznikov Dmytro Kuleba Oleksii Danilov Valerii Zaluzhnyi Serhiy Shaptala Ruslan Khomchak

A invasión estivo precedida por unha prolongada acumulación militar rusa dende principios de 2021 e polas demandas de Rusia para prohibir legalmente a Ucraína a unirse á OTAN.^[32] Nos días anteriores á invasión, Rusia recoñeceu as autoproclamadas República Popular de Donetsk e da República Popular de Luhansk, e fixo entrar ás Forzas Armadas de Rusia na rexión de Donbás, no leste de Ucraína, o 21 de febreiro de 2022.

Sobre as 06:00 de Moscova (UTC+3), o presidente ruso Vladimir Putin anunciou unha operación militar no leste de Ucraína; minutos despois, comezaron os ataques con mísiles en lugares de todo o país, incluso na capital Kíiv. O Servizo de Fronteiras de Ucraína afirmou que os seus postos fronteirizos con Rusia e Belarús foron atacados.^[33][34] Dúas horas máis tarde as forzas terrestres rusas entraron no país.^[32] O presidente ucraíno Volodymyr Zelenskyi respondeu promulgando a lei marcial, interrompendo as relacións entre Rusia e Ucraína e anunciando a mobilización xeral da poboación. A invasión motivou que varios países condenasen o ataque e impuxesen severas sancións a Rusia,^[35] e ademais producíronse mobilizacións en contra da guerra en Rusia que foron sufocadas con arrestos masivos.^[36][37]