რუსეთიშ მინოკათუა უკრაინაშა (2022)
ინფორმაციაქ შილებე უწაიათ დითირას მოლინეფიშ გოვითარაფაშ მეჯინათ. გეთოლწონით, ნამჷ-და დუდიშეიანი ინფორმაცია შილებე კილუანი რდასინ. ასე თქვა ორწყეთ ვერსიას, ნამუშ ბოლო რედაქტირაფაშ ბორჯი რე: 2024 წანაშ 18 პირელი, 01:31 (UTC) (ხასჷლაშ სხუნუა) |
რუსეთიშ მინოკათუა უკრაინაშა (უკრ. Російське вторгнення в Україну 2022 року; რუს. Вторжение России в Украину) — დიჭყჷ 2022 წანაშ 24 ფურთუთას. ოურდუმე კამპანიაქ დიჭყჷ განწე ოურდუმე ნძალაშ მოშაყარუაშ უკული, რუსეთიშით მუშითგუმოცხადაფილ დონეცკიშ ოკათე რესპუბლიკაშ დო ლუგანსკიშ ოკათე რესპუბლიკაშ აღიარაფაშ უკული, მიშაკათინიშ წიმიან დღალეფს, ნამუსჷთ მაჸუნუ რუსეთიშ აკოანჯარაფილი ნძალეფიშ მიშულაქ ბჟაეიოლ უკრაინაშ დონბასიშ რეგიონშა 2022 წანაშ 21 ფურთუთას.
რუსეთიშ მინოკათუა უკრაინაშა | |||||||
---|---|---|---|---|---|---|---|
რუსეთ-უკრაინაშ ლჷმაშ ნორთი | |||||||
| |||||||
| |||||||
კუნთხუეფი | |||||||
მადუდეეფი | |||||||
|
|
მოსკოვიშ ბორჯით, დოხოლაფირო 06:00 სათის (UTC+3), პრეზიდენტ ვლადიმერ პუტინქ გეგმაცხადჷ ოურდუმე ოპერაცია; მუსხირენ წუთიშ უკული, სარაკეტე გეშქუმალეფი ქიდიჭყჷ ქიანაშ მასშტაბით, თინეფს შქას ნანანოღა კიევიშ გოხოლუას. უკრაინაშ ოხურგე ნინალაქ გჷმაცხადჷ, ნამჷ-და თინეფიშ ხურგეფს რუსეთწკჷმა დო ბელარუსწკჷმა ქეგიანთხეს.[37][38] ბჟადალიშ ქიანეფქ გადღანეს უკრაინაშა გენთხაფა.
ისტორია
1991 წანას, სხუნუეფიშ რსხუშ აკოცჷმაშ უკული, უკრაინა დო რუსეთი აგჷნძორენდეს მეჭედელ ურთიართობეფს. 1994 წანას უკრაინაქ ვარი თქუ ბირთვულ არსენალშე დო ხე მაჭარჷ ბუდაპეშტიშ მემორანდუმს უშქურანჯალას გარანტიეფიშ გეშა თი პიჯალათ, ნამჷ-და რუსეთი, გოართოიანაფილი ომაფე დო ააშ მეჩანდეს უკრაინაშ ტერიტორიული თელუანობაშ დო პოლიტიკური ზოხორინალაშ თხილუაშ გარანტიას. ხუთი წანაშ უკული, რუსეთი რდჷ ევროპული უშქურანჯალაშ ქარტიაშ ართ-ართი ხემუმაჭარალი, სოდე თიქ „დადასურჷ ირი მაკათური სახენწჷფოშ წოროდოჸუნელი ნება, ორდას დუდიშული გიშაგორას ვარ-და დოთირას მუში უშქურანჯალაშ ზჷმეფი, თინეფს შქას ალიანსიშ ხეკულუეფი, მუჭოთ მოჩამილ რენ“.[39]
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |