Lingua laosiana

A lingua laosiana^[2] (ພາສາລາວ phaasaa laao) é o idioma oficial de Laos. É unha lingua tonal da familia tai de linguas e está estreitamente relacionada coa lingua isan, falada na rexión de Isan, no nordeste de Tailandia.

Laosiano ພາສາລາວ / Phaasaa laao'
Falado en:	Laos Tailandia Vietnam
Total de falantes:	Uns seis millóns
Familia:	Tai-kadai  Kam-tai   Be-tai    Tai-sek     Tai      Suroriental       Lao-phutai         Lao
Escrita:	Alfabeto laosiano
Estatuto oficial
Lingua oficial de:	Laos
Regulado por:	Non está regulado
Códigos de lingua
ISO 639-1:	lo
ISO 639-2:	lao
ISO 639-3:	lao
SIL:	lao
Mapa
Status
O laosiano está clasificado como "en estado seguro" polo Libro Vermello das Linguas Ameazadas da UNESCO[1]

O sistema de escritura laosiana é alfasilábico, é dicir, cada carácter denota unha sílaba. Este alfabeto está estreitamente emparentado co alfabeto tailandés.

O laosiano clasifícase habitualmente en cinco dialectos principais, que mostran considerable variación, especialmente en canto ao uso da tonalidade:

• Laosiano de Vientián, a variante habitualmente aceptada como estándar
• Laosiano setentrional (Luang Prabang)
• Laosiano nororiental (Xieng Khouang)
• Laosiano central Lao (Khammouan)
• Laosiano meridional (Champasak)

Tons

O laosiano de Vientián ten seis tons: baixo, medio, alto, ascendente, alto e baixo descendente. Os residentes de Luang Prabang usan cinco tons: medio descendente ascendente, baixo ascendente, medio, alto descendente e medio ascendente.

Escritura

O alfabeto laosiano baséase na mesma escritura que o alfabeto tailandés. Introducíuse en Laos a través de monxes budistas cingaleses e camboxanos durante o reinado do primeiro rei de Laos. É máis simple que os seus parentes tailandés, camboxano e birmano.

Está formado por 33 consoantes e 28 vogais que representan respectivamente 21 e 27 fonemas, e escríbese as verbas foneticamente empregando a súa escritura de esquerda a dereita.