Pobo iézidi
Os iézidis[13] (ou tamén en kurdo: Yezidi, Êzidî, Êzdîtî, armenio: Եզդի Yezdi, ruso: Езиды Ezidy, turco: Yezidi) é un grupo etnorelixioso kurdo. Segundo algunhas fontes, a súa relixión está conectada co antigo zoroastrismo e sufismo, mentres que outras fontes coidan que é unha combinación de xiísmo e islam sufí xunto con tradicións folclóricas locais.[14][15] Viven principalmente na provincia de Nínive do norte de Iraq, unha rexión outrora parte da antiga Asiria e capital do Imperio Neoasirio. Tamén existen comunidades en Armenia, Xeorxia e Siria que están a declinar dende a década de 1990 como resultado dunha significativa migración a Europa, especialmente a Alemaña.[16] Os iézidis cren en Deus como creador do mundo, que foi posto baixo a protección de sete "seres sagrados" ou anxos, sendo o seu "xefe" (arcanxo) Melek Taus, o "Anxo pavón".
Pobo iézidi | |
---|---|
Poboación | |
Poboación total: 700 000[1][2][3] | |
Rexións principais: | |
Iraq | 650 000[4] |
Alemaña | 60 000[1][5] |
Siria | 50 000[6][7] |
Rusia | 40 586[8] |
Armenia | 35 272[9] |
Xeorxia | 20 843 (18 000 en Tbilisi)[10] |
Suecia | 4 000[5] |
Turquía | 377 (Os refuxiados non incluídos)[11] |
Dinamarca | 500[12] |
Aspectos culturais | |
Lingua | Kurdo e árabe |
Relixión | Iezidismo |