ઉબુન્ટુ (ઓપરેટિંગ સિસ્ટમ)
ઉબુન્ટુ (અંગ્રેજી: Ubuntu) એ કોમ્પ્યુટરની એક મફ્ત ઓપરેટિંગ સિસ્ટમ છે. ઉબુન્ટુ ડેબિયન આધારીત લિનક્ષ જેવી ઓપરેટિંગ સિસ્ટમ છે. તેનું નામ દક્ષિણી આફ્રિકી ભાષાના શબ્દ ઊબુન્ટુ (અન્ય તરફની માનવતા) પરથી રાખવામાં આવ્યું છે. ઉબુન્ટુ મુખ્યત્વે વ્યક્તિગત કોમ્પ્યુટરો પર વાપરવા માટે રચાયેલ છે, જોકે તેની સર્વર આવૃત્તિ પણ અસ્તિત્વમાં છે.
ઉબુન્ટુ ૨૨.૦૪ (જેમી જેલીફિશ) | |
કંપની/ડેવલપર | કેનોનિકલ લિ. |
ઓ.એસ. ફેમેલી | લિનક્ષ (યુનિક્ષ) |
સ્થિતી | સક્રિય |
સ્રોત પ્રકાર | ઓપનસોર્સ |
શરૂઆત | ૨૦ ઓક્ટોબર ૨૦૦૪ |
તાજેતરમાં થયેલ પ્રકાશન | ૨૨.૦૪ (જેમી જેલીફિશ) / ૨૧/૦૪/૨૦૨૨[૧] |
ઉપલબ્ધ ભાષાઓ | ૫૫ થી વધારે ભાષાઓમાં |
એપડેટેડ મેથડ | સોફ્ટવેર અપડેટર, ઉબુન્ટુ સોફ્ટવેર, એપ્ટ (APT) |
પેકેજ મેનેજર | ગ્નોમ સોફ્ટવેર, dpkg, apt, સ્નેપ, ફ્લેટપેક, સ્નેપ સ્ટોર |
સપોર્ટેડ પ્લેટફોર્મ | |
કર્નલનો પ્રકાર | મોનોલિથીક લિનક્ષ કર્નલ |
યુઝરલેન્ડ | ગ્નુ |
મૂળભૂત યુઝર ઇન્ટરફેસ | ગ્નોમ |
સોફ્ટવેર લાયસન્સ | ફ્રી સોફ્ટવેર + કેટલાંક વ્યવસાયી ડિવાઇસ ડ્રાઇવર્સ[૪] |
અધિકૃત વેબસાઇટ | ubuntu |
૨૦૧૨ માં થયેલ સર્વે અનુસાર ઉબુન્ટુ એ સૌથી લોકપ્રિય ડેસ્કટોપ/લેપટોપમાં વપરાતી લીનક્સ ઓપરેટીંગ સીસ્ટમ છે. જે સર્વર અને કલાઉડ કોમ્પ્યુટિંગમાં પણ લોકપ્રિય છે. ઉબુન્ટુ એ દક્ષિણ આફ્રિકન ઉદ્યોગસાહસિક માર્ક શટ્ટલવર્થની યુ.કે. સ્થિત કંપની કેનોનિકલ લિ. દ્વારા પ્રાયોજિત કરવામાં આવે છે. કેનોનિકલ ઉબુન્ટુ સંબંધિત ટેક્નીકલ સેવાઓના વેચાણ દ્વારા આવક પેદા કરે છે, જ્યારે ઓપરેટિંગ સિસ્ટમ પોતે જ સંપૂર્ણપણે મફ્ત છે. ઉબુન્ટુ પ્રોજેક્ટ મુક્ત સોફ્ટવેર વિકાસ સિદ્ધાંતો માટે પ્રતિબદ્ધ છે.