Oblasć Chmelnyckyj
Oblasć Chmelnyckyj (ukrainsce Хмельницька область/Chmelnycka oblast) je oblasć na zapadźe Ukrainy, mjez Wuchodoeuropskej nižinu na sewjeru a Podolskej platu na juhu. Stolica a zdobom najwjetše město je Chmelnyckyj. Oblasć ma něhdźe 1,3 miliony wobydlerjow na přestrjeni wot 20.600 kwadratnych kilometrow.
Хмельницька область (uk.) | |||
---|---|---|---|
Zakładne daty | |||
přestrjeń | 20.645 km² | ||
wobydlerstwo | 1.307.000 (2014) | ||
hustosć zasydlenja | 63 wob./km² | ||
stolica | Chmelnyckyj | ||
awtowa značka | BX | ||
webstrona | oblrada.km.ua | ||
Geografija
Susodne oblasće su Žytomyrska na sewjerowuchodźe, Winnycja na wuchodźe, Černiwci na juhu, Ternopilska oblasć na zapadźe a Oblasć Riwne na sewjerozapadźe. Město Chmelnyckyj nadeńdźe so w srjedźišću oblasće, druhe najwjetše město Kamjanec-Podilskyj na samym juhu.
Najwjetšej rěce na teritoriju oblasće stej Dnjestr, kotryž twori južnu hranicu, a Južny Bug, kotryž so zapadnje Chmelnyckeho wužórli a přez město ćeče. Zapadnu hranicu z Ternopilskej oblasću twori Zbruč, lěwy přitok Dnjestra.
Zarjadnistwo
Oblasć Chmelnyckyj wobsteji z 20 rajonow a šěsć městow, kotrež podsteja bjezposrědnje zarjadnistwu oblasće. To su města:
- Chmelnyckyj (Хмельницький)
- Kamjanec-Podilskyj (Камьянець-Подільський)
- Netišyn (Нетішин)
- Slawuta (Славута)
- Starokostjantyniw (Старокостянтинів)
- Šepetiwka (Шепетівка)
Stawizny
Oblasć bu w lěće 1937 z 33 rajonow dotalneje oblasće Winnycja załožena. Prěnjotnje rěkaše oblasć Kamjanec-Podilskyj, hakle w lěće 1954 bu mjeno změnjene.
Wobydlerstwo
Podźěl ukrainskorěčnych wobydlerjow je wjetši hač 90 procentow. Hač do holocausta měješe region tež sylne židowske wobydlerstwo, kotrež wučinješe w někotrych městach wjetšinu.
narodnosć | wobydlerjo | 1989 (%) | 2001 (%) | změna (%)[1] |
---|---|---|---|---|
Ukrainjenjo | 1.339.300 | 90,4 | 93,9 | −2,6 % |
Rusojo | 50.700 | 5,8 | 3,6 | −42,4 % |
Polacy | 23.000 | 2,4 | 1,6 | −37,3 % |
Běłorusojo | 2.700 | 0,3 | 0,2 | −40,8 % |
maćeršćina | 1989 (%)[2] | 2001 (%) |
---|---|---|
ukrainšćina | 91,3 | 95,2 |
rušćina | 8,0 | 4,1 |
Žórła
Wotkaz
Čerkasy• Černihiw• Černiwci• Dnipropetrowsk• Donjeck• Charkiw• Cherson• Chmelnyckyj• Iwano-Frankiwsk• Kijew• Kirowohrad• Luhansk• Lwów• Mykolajiw• Odesa• Poltawa• Riwne• Sumy• Ternopil• Winnycja• Wołynska• Zakarpatska• Zaporižžja• Žytomyr
Deražnja |Dunajiwci |Horodok |Chmelnyckyj |Izjaslaw |Kamjanec-Podilskyj |Krasyliw |Netišyn |Polonne |Slawuta |Starokostjantyniw |Šepetiwka |Woločysk
Sydlišća měšćanskeho typa
Antoniny |Bazalija |Bilohirja |Čemeriwci |Čornyj Ostriw |Hryciw |Dunajiwci |Jampil |Jarmolynci |Letyčiw |Lozowe |Medźybiž |Narkewyči |Nowa Ušycja |Poninka |Sataniw |Smotryč |Stara Synjawa |Stara Ušycja |Teofipol |Wijtiwci |Winkiwci |Wowkowynci |Zakupne