Weimar
Weimar je durinske město z wjace hač 60.000 wobydlerjemi, kotrež je předewšěm za swoje kulturne herbstwo nadregionalnje znate. Leži wosrjedź zwjazkoweho kraja při rěce Ilm juhowuchodnje Ettersberga, z 478 metrami najwyšeje hory Durinskeje žłobiny. Město je po Jarobrodźe, Jenje a Gerje štwórte najwjetše w zwjazkowym kraju a nadeńdźe so poł puća mjez Jarobrodom na zapadźe a Jenu na wuchodźe.
Wopon | ||
---|---|---|
Zakładne daty | ||
stat | Němska | |
zwjazkowy kraj | Durinska | |
wokrjes | bjezwokrjesne | |
wysokosć | 208 metrow n.m.hł. | |
přestrjeń | 84,26 km² | |
wobydlerstwo | 65.138 (31. dec 2021)[1] | |
hustosć zasydlenja | 773 wob. na km² | |
póstowe čisła | 99423–99428 | |
předwólby | (+49) 03643, 036453 | |
awtowa značka | WE | |
Politika a zarjadnistwo | ||
wyši měšćanosta | Peter Kleine (bjezstronski) | |
adresa | Schwanseestr. 17 99423 Weimar | |
webstrona | weimar.de | |
Połoženje Weimara w Durinskej | ||
wikidata: Weimar (Q3955) |
Nimo Bauhausoweje uniwersity je Weimar stejišćo Wysokeje šule za hudźbu „Franz Liszt“ a sławneje biblioteki Anny-Amalije. Město je tež sydło wjacorych krajnych zarjadow, tak Durinskeho wyšeho zarjadniskeho sudnistwa, Durinskeho wustawoweho sudnistwa a krajneho zarjada za pomnikoškit a archeologiju.
Ke kulturnemu herbstwu Weimara słušeja nimo Weimarskeje klasiki wokoło Wielanda, Goethy, Herdera a Schillera tež Bauhaus a Weimarska narodna zhromadźizna, po kotrejž bu pomjenowana Weimarska republika (1919–1933). „Klasiski Weimar“ słuša wot lěta 1999 do lisćiny kulturneho herbstwa UNESCO.
Politisce bě Weimar wot 1572 stolica Saksko-Weimarskeje, pozdźišeje Saksko-Weimarsko-Eisenachskeje, prěnjeho němskeho stata z wustawu (1816). Wot 1920 do 1948 bě Weimar ze stolicu Durinskeje, w lěće 1999 z kulturnej stolicu Europy.
Za čas nacionalsocialistiskeho knjejstwa namakaše so na bliskim Ettersbergu koncentraciske lěhwo Buchenwald.
Wobrazarnja
- Weimarska radnica
- Nutřkowne město z Herderowej cyrkwju a měšćanskim hrodom
- Němske narodne dźiwadło z pomnikom Goethy a Schillera
- Wopomnišćo w Buchenwaldźe
Žórła
Wotkaz
Kulturne město Europy: 1985: Athen |1986: Florenc |1987: Amsterdam |1988: Zapadny Berlin |1989: Paris |1990: Glasgow |1991: Dublin |1992: Madrid |1993: Antwerpen |1994: Lisabon |1995: Luxemburg |1996: Kopenhagen |1997: Sołun |1998: Stockholm
Kulturna stolica Europy: 1999: Weimar |2000: Avignon, Bergen, Bologna, Brüssel, Helsinki, Krakow, Praha, Reykjavík, Santiago de Compostela |2001: Porto, Rotterdam |2002: Brügge, Salamanca |2003: Graz |2004: Genua, Lille |2005: Cork |2006: Patras |2007: Sibiu, Luxemburg hromadźe z wulkoregionu |2008: Liverpool, Stavanger |2009: Linz, Vilnius |2010: Istanbul, Pécs, Essen hromadźe z Poruhrskej |2011: Tallinn, Turku |2012: Guimarães, Maribor |2013: Košice, Marseille |2014: Riga, Umeå |2015: Mons, Pilzeń |2016: Wrócław, Donostia-San Sebastián |2017: Aarhus, Pafos |2018: Leeuwarden, Valletta |2019: Matera, Plowdiw |2020: Galway, Rijeka |2021: Timișoara, Eleusis, Novi Sad |2022: Kaunas, Esch an der Alzette |2023: Veszprém |2024: Tartu, Bad Ischl, Bodø |2025: Kamjenica