Bergen (Norwegska)

Bergen je z něhdźe 280.000 wobydlerjemi druhe najwjetše město Norwegskeje a zarjadniske sydło prowincy Hordaland. Bergenski přistaw je jedne z najwažnišich w Europje a wuchadźišćo łódźow linije Hurtigruten. Město nadeńdźe so při Byfjordźe, zaliwje Atlantiskeho oceana při zapadnym brjoze Norwegskeje.

Bergen

DEC
Wopon
Zakładne daty
stat	Norwegska
prowinca	Hordaland
přestrjeń	465,4 km²
wobydlerstwo	291.189 (30. septembra 2023)
hustosć zasydlenja	625,7 wob./km²
póstowe čisło	5003–5099
webstrona	bergen.kommune.no
p • d • w

Přistawna štwórć Bryggen słuša k swětowemu herbstwu UNESCO.

Stare město bě wot 12. lětstotka městno krónowanja norwegskich kralow. Wot lěta 1360 měješe Hansa swójski kontor w Bergenje, město same pak z čłonom Hansy njebě. Hač do 19. lětstotka bě Bergen najwjetše norwegske město. W Druhej swětowej wójnje bě wot němskeho wójska wobsadźene.

Bergen bě w lěće 2000 jedna z dźewjeć kulturnych stolicow Europy. W měsće namaka so Den Nationale Scene, najstarše dźiwadło Norwegskeje.

• 
  Nutřkowne město
• 
  Hasa w nutřkownym měsće
• 
  Napohlad wječorneho města