Wuppertal

Wuppertal je wulkoměsto na zapadźe Němskeje. Je z wjace hač 350.000 wobydlerjemi sedme najwjetše město Sewjerorynsko-Westfalskeje a steji zdobom na 17. městnje najwjetšich městow Němskeje. Wuppertal leži we hłubokej dolinje rěki Wupper w pahórkatym Bergiskim kraju něhdźe 30 km wuchodnje Düsseldorfa, 40 km sewjerowuchodnje Kölna a 20 km južnje Ruhrskeho kraja.

Wuppertal

DEC
Wopon
Zakładne daty
stat	Němska
zwjazkowy kraj	Sewjerorynsko-Westfalska Sewjerorynsko-Westfalska
wokrjes	bjezwokrjesne
wysokosć	160 metrow n.m.hł.
přestrjeń	168,39 km²
wobydlerstwo	354.572 (31. dec 2021)[1]
hustosć zasydlenja	2106 wob. na km²
póstowe čisła	42103–42399
předwólba	(+49) 0202
awtowa značka	W
Politika a zarjadnistwo
wyši měšćanosta	Andreas Mucke (SPD)
adresa	Johannes-Rau-Platz 1 42275 Wuppertal
webstrona	wuppertal.de
Połoženje w Sewjerorynsko-Westfalskej
wikidata: Wuppertal (Q2107)

Město same je so hakle dnja 1. awgusta 1929 přez zjednoćenje městow Elberfeld a Barmen jako Barmen-Elberfeld załožiło a dósta po byrgarskim naprašowanju w lěće 1930 swoje dźensniše mjeno. Region wokoło Barmena a Elberfelda bě srjedź 19. lětstotka hromadźe z wokolinu Aachena a dźělemi Sakskeje prěnje industrijowa kónčina Němskeje. Zažna industrializacija bazowaše na wobstaću wažnych faktorow železo, wuhlo, drjewo a woda we Wupperskim dole. Hač do kónca 19. lětstotka běštej Barmen a Elberfeld wjetšej a wuznamnišej hač Ruhrske města Essen, Dortmund abo Duisburg.

Uniwersitne město je nadregionalnje předewšěm znate za swoju wisatu železnicu a płaći jako němske wulkoměsto z najwjetšim podźělom zelenišćow na měšćanskim teritoriju.