Us der alemannische Wikipedia, der freie Dialäkt-Enzyklopedy
De Tenzin Gyatso (tibetisch: བསྟན་འཛིན་རྒྱ་མཚོ་, bstan ´dzin rgya mtsho [tɛ̃ ́tsĩ càtsʰo]; * 6. Juli1935 z Taktser, Provinz Amdo, Osttibet als Lhamo Dhondrub), besser bikannt as de Dalai Lama isch s politische und s religiööse Oberhopt vo de Tibeter. Er lebt sit ane 1959 im Exil und raist hüt vill i de Welt ume, um di budhistische Lehr und de Weltfride z verchünde. Er het ane 1989 de Fridesnobelpriis öbercho.
De Tenzin Gyatso - ase luutet sin Mönchsname - isch em 6. Juli 1935 as Soo vonere Buurefamili uf d Welt cho und het de Name Lhamo Döndrub Lhamo Döndrub (ལྷ་མོ་དོན་འགྲུབ་ / lha mo don 'grub) öbercho. Si Haimetort Takster litt i de Provinz Amdo im Nordooste vom Tibet. Mit zwai hend en Mönch ufgrund vonere Vision as 14. Inkarnation vom Dalai Lama erchennt. Noch e paar Test isch er anerchennt wore und mit vieri isch er in Potala z Lhasa broocht wore, woner em 22. Hornig 1940 as 14. Dalai Lama inthornisiert woren isch. Drufabe isch de Tenzin Gyatso zom Mönch uusbildet wore. Brühmt gworra isch dia Fründschaft zwischen em Heinrich Harrer der se 1946 uf da Flucht vor Ihaftierung als dütscher Soldat i Tibet noch anra gscheiterter NS-Expedition ufkhalta het und em Tenzin Gyatso deam a s westliche rechna, schriiba und leasa beybrocht het. Im populära Spielfilm 7 Jahre in Tibet isch dia Gschicht romantisierend ufbreitet worra.
Mit föfzeni isch er weltlichs Oberhopt vom Tibet wore, nämli im November 1950, churz nochdem di chinesischi Volchsarmee in Tibet imarschiert isch. D Chineese hend de Tibet bsetzt, aber de Dalai Lama as Oberhopt anerchennt. Bim tibetische Uufstand ane 1959 isch de Dalai Lama öber de Himalaya uf Indie gfloche, wo z Dharamsala am Südfuess vom Himalaya di tibetisch Exilregierig iirichtet woren isch.
Die Welt in einem einzigen Atom – Meine Reise durch Wissenschaft und Buddhismus. Theseus Verlag, 2005, ISBN 3-89620-270-7.
Dalai Lama, Laurens van den Muyzenberg: Führen, gestalten, bewegen: Werte und Weisheit für eine globalisierte Welt., Aus dem Engl. von Jürgen Neubauer, Campus, Frankfurt 2008, ISBN 978-3-593-38687-4