અમરાવતી | |
|---|---|
 ધન્ય બુદ્ધ મુર્તિ, અમરાવતી મંદિર નગર | |
  અમરાવતી  અમરાવતી | |
| અક્ષાંશ-રેખાંશ: 16°32′28″N 80°30′54″E / 16.541°N 80.515°E / 16.541; 80.515 | |
| દેશ | ભારત |
| રાજ્ય | આંધ્ર પ્રદેશ |
| જિલ્લો | ગુંટુર |
| સરકાર | |
| • પ્રકાર | નિયોજક એજેન્સીઓ |
| • માળખું | અમરાવતી વિકાસ નિગમ લિમિટેડ |
| વિસ્તાર | |
| • શહેર | ૨૧૭.૨૩ km2 (૮૩.૮૭ sq mi) |
| • મેટ્રો | ૮,૩૫૨.૬૯ km2 (૩૨૨૪.૯૯ sq mi) |
| વસ્તી (2011)[૩] | |
| • શહેર | ૧,૦૩,૦૦૦ |
| • મેટ્રો વિસ્તાર | ૫૮,૦૦,૦૦૦ |
| સમય વિસ્તાર | UTC+૫:૩૦ (ભારતીય પ્રમાણ સમય) |
| પિનકોડ | ૫૨૦ ×××, ૫૨૧ ×××, ૫૨૨ ××× |
| વાહન નોંધણી | એપી ૦૭ |
| ભાષાઓ | તેલુગુ |
| વેબસાઇટ | અમરાવતી અધિકૃત વેબસાઇટ |
અમરાવતી એ ભારતના આંધ્ર પ્રદેશ રાજ્યની રાજધાની છે. આ સુનિયોજીત શહેર કૃષ્ણા નદીના દક્ષિણ કિનારે વસેલું છે.[૫] આ શહેર આંધ્રપ્રદેશ રાજધાની ક્ષેત્રની અંદર આવેલું છે, જે ૨૧૭ ચો.કિ.મી.ના વિસ્તારમાં રિવરફ્રન્ટ પર બાંધવામાં આવ્યું છે, જેમાં ૫૧% ગ્રીન સ્પેસ અને ૧૦% જળાશયો છે.[૬][૭] શહેરના નામનો "અમરાવતી" શબ્દ ઐતિહાસિક અમરાવતી મંદિર નગર, જે સાતવાહન વંશના તેલુગુ શાસકોની પ્રાચીન રાજધાની હતું તેના પરથી રાખવામાં આવ્યું છે.[૮] ઓક્ટોબર ૨૨, ૨૦૧૫ના રોજ શહેરના નિર્માણનો શિલાન્યાસ વડાપ્રધાન નરેન્દ્ર મોદી દ્વારા ઉદ્દંડરાયુનિપાલિમ વિસ્તારમાં કરાયો હતો.[૯]
ઑક્ટોબર ૨૦૧૬ સુધીમાં, આંધ્રપ્રદેશ રાજ્ય સરકારના મોટાભાગના વિભાગો અને અધિકારીઓ હવે અમરાવતીના વેલાગપુડી વિસ્તારમાં સ્થિત કાર્યાલયમાં કાર્યરત છે, હૈદરાબાદમાં ફક્ત માળખાગત સ્ટાફ જ બાકી છે.[૧૦] એપ્રિલ ૨૦૧૬ થી, આંધ્રપ્રદેશના મુખ્યમંત્રી કાર્યાલયે વેલાગપુડીથી તેનું કાર્ય શરૂ કર્યું. આંધ્ર પ્રદેશ વિધાનસભા માર્ચ ૨૦૧૭ સુધી હૈદરાબાદમાં રહી હતી, ત્યારબાદ તે વેલાગપુડીમાં નવી બાંધેલી વિધાનસભાની ઇમારતોમાં સ્થાનાંતરિત થઈ.[૧૧]
