इण्डोनेशिया गणराज्य दक्षिण पूर्व एशिया व ओशिनियाय् स्थित छगू देय् ख। १७,५०८ द्वीपदूगु थ्व देय्या जनसंख्या लगभग २३ कोटी दु। थ्व हलिमया प्यंगु दक्ले अप्व जनसंख्या दूगु व दक्ले अप्व मुस्मां जनसंख्या दूगु देय् ख। थ्व देय्या राजधानी जकार्ता ख। देय्या जमीनी सीमा पापुआ न्यू गिनी, पूर्व तिमोर व मलेशियानाप स्वा धाःसा मेमेगु जःलाखःला देय्य् सिंगापोर, फिलिपिन्स, अस्ट्रेलिया व भारतया अंडमान व निकोबार द्वीपपुचःला।
इतिहास
७गु शताब्दी निसें हे इण्डोनेशिया द्वीपसमूह छगू महत्वपूर्ण बनेज्या क्षेत्र दयाच्वंगु इतिहास दु। व ईले श्रीविजय अधिराज्यया शासनय् चीन व भारतनाप थ्व देय्या व्यापारिक स्वापू दयाच्वन। स्थानीय शासकतयेसं शनै-शनै भारतीय सांस्कृतिक, धार्मिक व राजनीतिक प्रारुपयात ग्रहण यात व कालान्तरय् हिंदू व बौद्ध राज्यतयेगु उत्कर्ष जूवन। इण्डोनेशियाया इतिहासय् विदेशीतयेगु यक्व प्रभाव दु। थ्व थाय्या प्राकृतिक स्रोतया कारणं थ्व थासय् विशेषकथं बनेज्यामित यक्व वःगु खने दु। मुस्मां बनेज्यामितयेसं थः नाप मुस्मां धर्म थन हल व युरोपीय शक्तितयेसं थ्व टापूपुचले मसलाया बनेज्याया एकाधिकारया निंतिं थः-थः नाप यक्व ल्वाःगु खने दु। साढे स्वसः दँ तक्क डच उपनिवेश जुइ धुंका थ्व देशं लिउ हलिम हताः धुंका स्वतन्त्रता कायेफल।
शैलेन्द्र राजवंश
शैलेन्द्र राजवंश इन्दोनेसियाया छगू प्राचीन राजवंश ख। थ्व राजवंशया उदय जावाय् ८गु सदीइ जुल। शैलेन्द्र राज्य बुद्ध धर्मया महायान संघया सक्रिय प्रवर्तक व विश्व प्रसिद्ध बोरोबुदुर चैत्य सहित मध्य जावाया केंदु समतल क्षेत्रय् शासन याःगु राजवंश ख। थ्व राजवंशया जुजुतेगु राजकाल थ्व कथं दु-
भानु शैलेन्द्र (भानु) (७५२-७७५)
विष्णु शैलेन्द्र (विष्णु) (७७५-७८२)
इन्द्र शैलेन्द्र (इन्द्र) (७८२-८१२)
समरतुंग (८१२-८३३)
प्रमोदवर्धिनी (८३३-८५६)
बलपुत्रदेव (८३३-८५०)
मजापहित राजवंश
मजापहित साम्राज्यं इन्दोनेसियाय् १२९३-१५०० तक्क शासन यात। थ्व हिन्दू साम्राज्यय् थ्व देय् सुथां लातः व थ्व युगयात थ्व देय्या स्वर्ण युगया रुपय् कायेगु या। हयाम वुरुक थ्व साम्रज्यया दकलय् शक्तिशाली व सफल सम्राट ख। थ्व साम्राज्यया राजवंश थ्व कथं दु-
रादेन विजय, कीर्तिराजस जयवर्धन (१२९४ - १३०९)
कालगमेत जयनागर (१३०९ - १३२८)
श्री गीतार्ज त्रिभुवन विजयतुंगदेवी (१३२८ - १३५०)
हयाम वुरुक श्री राजसनगर (१३५० - १३८९)
विक्रमवर्धन (१३८९ - १४२९)
सुहित (१४२९ - १४४७)
कीर्तिविजय ब्रविजय (१४४७ - १४५१)
राजसवर्धन ब्रविजय २ (१४५१ - १४५३)
सम्राट मदूगु(१४५३-१४५६)
पूर्वविशेष गिरिवर्धन ब्रविजय ३ (१४५६ - १४६६)
सिंहविक्रमवर्धन सुरप्रभाव ब्रविजय ४ (१४६६ - १४६८ or १४७८)
कीर्तिभूमि ब्रविजय ५ (१४६८ - १४७८)
गिरीन्द्रवर्धन ब्रविजय ६ (१४७८ - १४९८)
नामाकरण
थ्व टापू व थ्व नापंया मेमेगु टापू देय्तयेगु नां भारतया पुराणय् दीपान्तर भारत (वा सागर पुला वनेमाःगु भारत) धका च्वयातःगु दु। युरोपया च्वमितयेसं १५० दँ न्ह्यः थ्व टापूपुचःयात इण्डोनेशिया (इंद= भारत + नेसोस = द्वीप या नामं) नां बिल। की हजर देवान्तर न्हापाम्ह थन्याम्ह इण्डोनेशियामि ख सुनां थःगु देय्या निंतिं इण्डोनेशिया नां छ्येल। कावी भाषाय् च्वयातःगु भिन्नेक तुंग्गल इक (अनेकताय् एकता) थ्व देय्या आदर्श वाक्य ख।
भाषा
थ्व देय्या मू भाषा बाहासा इंडोनेशिया ख। मेमेगु भाषाय् बाहासा जावा, बाहासा बाली, बाहासा सुण्डा, बाहासा मदुरा आदि ला। थ्व देय्या प्राचीन भाषाया का नां कावी ख गुकिलि देय्या मू साहित्यिक ग्रन्थत च्वयातःगु दु।
राजनीति
थ्व देय्या राष्ट्रपतित थ्व कथं दु-
सुकार्नो (Sukarno) १८ अगस्त, १९४५ निसें १२ मार्च, १९६७। इण्डोनेशियन राष्ट्रीय दल
सुहार्तो (Suharto) १२ मार्च, १९६७ निसें २१ मई, १९९८। गोल्कर
यूसुफ हबीबी (Jusuf Habibie) २१ मई, १९९८ निसें २० अक्टूबर, १९९९। गोल्कर
अब्दुर्रहमान वाहिद (Abdurrahman Wahid) २० अक्टूबर, १९९९ निसें २३ जुलाई, २००१। राष्ट्रीय जनसागरण दल
मेघावती सुकार्नोपुत्री (Megawati Sukarnoputri) २३ जुलाई, २००१ निसें २० अक्टूबर, २००४। इण्डोनेशियाई लोक्तान्त्रिक दल-संघर्ष
सुशीलो बम्बंग युधोयोनो (Susilo Bambang Yudhoyono) २० अक्टूबर, २००४ निसें वर्तमान।
Wisma 46, Indonesia's tallest office building, located in the middle of Jakarta skyscraper.
Jalan Thamrin, the main avenue in Central Jakarta
A train at Gambir station in Central Jakarta
The Bung Karno Stadium is capable of hosting 100,000 spectators
Map of Indonesia
Provinces of Indonesia
Malioboro, the most famous street in Yogyakarta city
Trans Jogja Bus. A bus rapid transit system in Yogyakarta city
A selection of Indonesian food, including Soto Ayam (chicken soup), sate kerang (shellfish kebabs), telor pindang (preserved eggs), perkedel (fritter), and es teh manis (sweet iced tea)
An Indonesian Army infantryman participating in the U.N.'s Global Peacekeeping Operation Initiative
Pindad Panser "Anoa" shown during Indo Defense and Aerospace Expo 2008
B-25 Mitchell bombers of the AURI in the 1950s
A Javanese engineer closes one of the gun bay doors on a Dutch Buffalo, January 1942.
GE U20C in Indonesia, #CC201-05
GE U20C "Full-Width Cabin" in Indonesia, #CC203-22
GE U20C full computer control locomotive in Indonesia, #CC204-06
इतिहास प्रशासनिक विभाजन भूगोल अर्थतन्त्र राजनीति सरकारतथ्याङ्क संस्कृति यातायात पर्यटन सेना भाषा धर्म सञ्चारमाध्यम शिक्षा व्यवस्था ध्वाँय् राष्ट्रिय म्ये नगर कला