Tétanus
Tétanus kang dikenal uga minangka lockjaw [1], punika lelara kang disebabaké déning tetanospasmin, ya iku sejenis neurotoksin kang diprodhuksi déning Clostridium tetani kang nginfèksi sistem urat saraf lan otot mula saraf lan otot dadi kaku.[1] Kitasato ya iku wong kang wiwitan kasil anggoné ngisolasi organisme saka kurban manungsa kang kena tétanus lan uga nglaporaké manawa toksiné bisa dinétralisasi nganggo antibodi kang spesifik.[1] Tembung tétanus asal saka basa Yunani ya iku tetanos saka teinein kang ateges kaku.[2] Lelara iki nginfèksi nalika spasme otot tonik lan hiperrèflèksia nyebabaké trismus (lockjaw), spasme otot umum, gègèr kang mlengkung (opistotonus), spasme glotal, kejang, lan paralisis pernapasan.[3]
Karakteristik Clostridium tetani
C. tetani kalebu bakteri Gram positif, anaerob obligat, bisa mbentuk spora, lan bentukke drumstick.[4] Spora kang diwangun déningC. tetani iki resisten banget tumrap panas lan antisèptik.[3] Dhèwèké bisa tahan sanajan wis diautoklaf (1210C, 10-15 menit) lan uga resisten tumrapfenol lan agen kimia liyané.[3] Bakteri Clostridium tetani iki akèh tinemu ing lemah, rusohan manungsa lan kéwan ingon lan ing laladan pertanian.[1][5] Umumme, spora bakteri iki didistribusi ing lemah lan saluran penceranaan sarta feses saka jaran, domba, asu, kucing, tikus, babi, lan pitik.[3] Nalika bakteri mau ana ing di jero awak, dhewee bakal ngasilaké neurotoksin (sejenis protéin kang gawene minangka racun kang nyerang pérangan sistem saraf).[1] C. tetani ngasilaké rong eksotoksin, ya iku tetanolysin lan tetanospasmin.[6] Fungsi saka tetanoysin ora dingerteni kanthi jelas, nanging uga bisa mrabawani tetanus.[1] Tetanospasmin minangka toksin kang lumayan kuat.[6]
Cathetan suku
Pranala njaba
| Wikimedia Commons duwé médhia ngenani Tetanus. |
- Tetanus - medicastore.com Archived 2009-10-21 at the Wayback Machine.
- Tetanus di Medline Plus
- Tetanus Surveillance -- United States, 1998-2000 (Data and Analysis)
- Tetanus Symptoms