ლუის ალბერტო სუარესი

საკლუბო

2013–14 წლებში სუარესმა ინგლისის პრემიერლიგაში პირველი ხუთი მატჩი გამოტოვა. მიუხედავად ამისა, მან 31 გოლი გაიტანა და სეზონის საუკეთესო ბომბარდირი გახდა.

წარმატებული ასპარეზობის შემდეგ სუარესმა განაცხადა, რომ „ლივერპულის“ დატოვებას აპირებს. მისი სამსახურით დაინტერესება გამოთქვეს ესპანური ფეხბურთის გრანდებმა, „ბარსელონამ“ და „რეალ მადრიდმა“.^[5] 2014 წლის ივლისში სუარესმა „ბარსელონასთან“ მოაწერა კონტრაქტს ხელი,^[6] „ლივერპულმა“ კი მის სანაცვლოდ 81 მილიონი ევრო მიიღო.^[7]

2020 წლის 23 სექტემბერს მადრიდის „ატლეტიკოსთან“ 2 წლიანი კონტრაქტი გააფორმა. ^{[8][9][10][11]} 27 სექტემბერს „ატლეტიკოს“ მაისურით მოედანზე პირველად ლიგის გათამაშების კალენდარულ მატჩში „გრანადას“ წინააღმდეგ გამოვიდა. პირველივე შეხვედრაში სუარესმა თავის ანგარიშზე ერთი საგოლე გადაცემა^[12] და დუბლი მიითვალა.^[13] შეხვედრა მადრიდელთა დამაჯერებელი გამარჯვებით, ანგარიშით 6–1 დამთავრდა.^[14][15]

სანაკრებო

ეროვნულ ნაკრებში სუარესი პირველად 2007 წელს გამოჩნდა. ის იყო ნაკრების ძირითადი შემადგენლობის მუდმივი წევრი 2010 წლის მსოფლიო ჩემპიონატის საკვალიფიკაციო ეტაპზე. მან 20 თამაშიდან 19-ში მიიღო მონაწილეობა. მწვრთნელმა ოსკარ ტაბარესმა სუარესი მსოფლიო ჩემპიონატზეც გამოიძახა. ჩემპიონატზე სუარესმა სამი გოლი გაიტანა. ერთი გოლი მან ჯგუფუტი ეტაპის მატჩში, მექსიკის წინააღმდეგ, ორი კი მერვედფინალში, სამხრეთ კორეის წინააღმდეგ თამაშისას გაიტანა. მეოთხედფინალში, განის ეროვნული ნაკრების წინააღმდეგ მატჩის დროს სუარესმა ხელით მოიგერია განელი ფეხბურთელის, დომინიკ ადიას მიერ დარტყმული ბურთი. ამით მან ნაკრები გავარდნისგან იხსნა, თუმცა წითელი ბარათი მიიღო და ნახევარფინალის გამოტოვება მოუხდა, რომელიც მისმა გუნდმა ნიდერლანდის ნაკრებთან დათმო.

სუარესი იყო ურუგვაის ნაკრების ერთ-ერთი წამყვანი მოთამაშე კოპა ამერიკა 2011-ზე, სადაც მან დიეგო ფორლანთან ერთად დიდი როლი შეიტანა ურუგვაის გაჩემპიონებაში. სუარესმა ამ ტურნირზე 4 გოლი გაიტანა, მათ შორის დუბლი ნახევარფინალში პერუს ეროვნული ნაკრების წინაარმდეგ და ერთი გოლი ფინალურ მატჩში, რომელიც ურუგვაიმ პარაგვაის 3-0 მოუგო.

2014 წლის მსოფლიო ჩემპიონატზე სუარესმა პირველი მატჩი ტრავმის გამო გამოტოვა. მეორე ტურის მატჩში კი ინგლისის ნაკრების წინააღმდეგ დუბლი შეასრულა და გახდა მატჩის საუკეთესო ფეხბურთელი.შემდეგ მატჩში იტალიის ნაკრებთან თამაშისას სუარესმა 79-ე წუთზე მხარზე უკბინა მეტოქე გუნდის მცველ ჯორჯო კიელინის. მექსიკელმა მსაჯმა მარკო ანტონიო როდრიგესმა დარღვევა არ დააფიქსირა და დანიშნა კუთხური ურუგვაის სასარგებლოდ, რომლითაც ურუგვაიმ ისარგებლა და გაიტანა, რამაც იტალია ჯგუფში ჩატოვა. მატჩის შემდეგ ფიფას დისციპლინურმა კომიტეტმა განიხილა მომხდარი ფაქტი და სუარესს მისცა 9 მატჩიანი დისკვალიფიკაცია, ასევე აუკრძალა საფეხბურთო აქტივობა 4 თვის მანძილზე.

საკლუბო

ნასიონალი

• ურუგვაის პრიმერა დივიზიონი: 2005–06

აიაქსი

• ერედივიზია: 2010–11 ^[16]
• ნიდერლანდების თასი: 2009–10

ლივერპული

• ინგლისის ლიგის თასი: 2011–12

ბარსელონა

• ლა ლიგა: 2014–15, 2015–16, 2017–18, 2018–19
• ესპანეთის თასი: 2014–15, 2015–16, 2016–17, 2017–18
• ესპანეთის სუპერთასი: 2016, 2018
• უეფა-ს ჩემპიონთა ლიგა: 2014–15
• უეფა-ს სუპერთასი: 2015
• ფიფა-ს მსოფლიო საკლუბო ჩემპიონატი: 2015

ატლეტიკო მადრიდი

• ლა ლიგა: 2020–21

სანაკრებო

ურუგვაის ეროვნული ნაკრები

• კოპა ამერიკა: 2011

ინდივიდუალური

• „აიაქსის“ წლის მოთამაშე: 2008–09, 2009–10
• ნიდერლანდების წლის ფეხბურთელი: 2009–10 ^[17]
• ერედივიზიის ოქროს ბურთი: 2009–10 ^[18]
• ერედივიზიის ოქროს ბურთი: 2009–10 ^[19]
• „ლივერპულის“ სეზონის მოთამაშე: 2012–13,^[20] 2013–14 ^[21]
• ინგლისის პრემიერლიგის სეზონის მოთამაშე: 2013–14 ^[22]
• ინგლისის პრემიერლიგის ოქროს ბუცი: 2013–14 ^[22]
• ევროპის ოქროს ბუცი: 2013–14, 2015–16 ^[23][24]
• უეფა-ს ჩემპიონთა ლიგის სეზონის გუნდი: 2014–15, 2015–16 ^[25]
• ესპანეთის პრიმერა დივიზიონის საუკეთესო ბომბარდირი: 2015–16 ^[24]
• ესპანეთის თასის საუკეთესო ბომბარდირი: 2015–16 ^[26]
• „ბარსელონას“ სეზონის მოთამაშე: 2015–16 ^[27]
• ფიფა-ს მსოფლიო საკლუბო ჩემპიონატის ოქროს ბურთი: 2015 ^[28]
• ფიფა-ს მსოფლიო საკლუბო ჩემპიონატის ოქროს ბუცი: 2015 ^[28]
• FIFA FIFPro-ს მსოფლიო თერთმეტეული: 2016 ^[29]

არის გვერდი თემაზე:

ლუის ალბერტო სუარესი

• პროფილი ბარსელონას ოფიციალურ საიტზე (ინგლისური)
• პროფილი Transfermarkt-ზე (ინგლისური)
• პროფილი Soccerway-ზე (ინგლისური)
• ლუის სუარესი — სტატისტიკა საიტზე Soccerbase.com (ინგლისური)
• ლუის სუარესი — ფიფას ჩანაწერი