პორტალი:ფიზიკა

რჩეული სტატია

სოლვეის კონფერენცია (Conseil Solvay) იყო ლეგენდარული პირველი მოწვევის მსოფლიოს უდიდეს ფიზიკოს მეცნიერთა ყრილობა 1911 წელს ორგანიზებული სოლვეის ფიზიკისა და ქიმიის საერთაშორისო ინსტიტუტების მიერ. ინსტიტუტები მდებარეობს ბრიუსელში და დაფუძნებეულია ბელგიელი ინდუსტრიალისტი ერნესტ სოლვეის მიერ 1912 წელს. 1911 წლის წარმატების შემდეგ სოლვეის კონფერენციები ეძღვნება უმნიშვნელოვანეს ღია პრობლემებს ფიზიკასა და ქიმიაში. ღონისძიება ყოველ სამ წელიწადს ტარდება. 23-ე სოლვეის კონფერენცია ჩატარდა ბრიუსელში 2005 წლის 1-3 დეკემბერს თემაზე: "სივრცისა და დროის კვანტური სტრუქტურა".

ყველაზე განთქმული ამ კონფერენციათაგან იყო 1927 წლის ოქტომბერში ჩატარებული მეხუთე მოწვევა თემაზე: ელექტრონები და ფოტონები, სადაც მსოფლიოს ყველაზე ღვაწლმოსილი ფიზიკოსები შეიკრიბნენ რათა განეხილათ ახლად ჩამოყალიბებული კვანტური თეორია. წამყვანი ფიგურები იყვნენ ალბერტ აინშტაინი და ნილს ბორი. 29 დამსწრე მეცნიერიდან 17 მოგვიანებით ნობელის პრემიის ლაურეატი გახდა. (სრულად)

რჩეული ბიოგრაფია

ალბერტ აინშტაინი (1879-1955), ფიზიკოსი-თეორეტიკოსი, XX საუკუნის უდიდესი მეცნიერი. წამოაყენა ფარდობითობის თეორია და ასევე დიდი წვლილი აქვს შეტანილი კვანტური მექანიკის, სტატისტიკური მექანიკისა და კოსმოლოგიის განვითარებაში. 1921 წელს მიენიჭა ნობელის პრემია ფიზიკაში 1905 წელს ფოტოელექტრონული ეფექტის მისეული განსაზღვრებისთვის და ასევე თეორიულ ფიზიკაში მის მიერ შეტანილი წვლილისთვის.

დაიბადა ულმში, ბადენ-ვიურტემბერგი, გერმანია. მისი მშობლები არა-დენომინაციური ებრაელები იყვნენ. პატარა ალბერტი დაწყებით სკოლაში საგნებს ძნელად ითვისებდა, შესაძლოა დისლექსიისა და საერთო სიმორცხვის გამო, ან კიდევ მისი ტვინის არაორდინალური, იშვიათი სტრუქტურის გამო (რაც მისი სიკვდილის შემდეგ დადგინდა). ზოგიერთი მკვლევარის მტკიცებით მას ასევე შესაძლოა მსუბუქი ფორმის აუტიზმიც ჰქონოდა, თუმცა მეცნიერის სიკვდილის შემდგომ ამ ვარაუდის დადგენა შეუძლებელია. (სრულად)

იცოდით, რომ...

• ...ნეიტრონული ვარსკვლავები (სქემა სურათზე) იმდენად მკვრივია, რომ ერთი ჩაის კოვზით სავსეს (5 მლ) ათჯერ მეტი მასა ექნებოდა, ვინემ მთელი მსოფლიოს მოსახლეობას...

• ...სინათლის სხივს დედამიწიდან მთვარემდე მისაღწევად მხოლოდ 1,2 წამი სჭირდება...

• ...ყოველ წელს მთვარე დედამიწას 3.82 სმ-ით შორდება...

• ...დედამიწიდან იუპიტერის მაგნიტური ველის დანახვა რომ შეგვეძლოს, ის მთვარეზე ხუთჯერ დიდი გამოჩნდებოდა...

• ...ლაზერების საშუალებით ზედმიწევნით ზუსტად შესაძლებელია ორი იზოტოპის გაყოფა...

• ...ფიზიკოსი გია დვალი, პირველი ქართველი მეცნიერია, რომელიც ჰუმბოლდტის პრემიით დაჯილდოვდა...

ქართველი ფიზიკოსები

რჩეული ციტატა

გამოჩენილი ფიზიკოსები

ეს თვე ფიზიკის ისტორიაში

პორტალი:ფიზიკა/აპრილი

თვის გამოსახულება

რა შეგიძლიათ გააკეთოთ

პორტალი:ფიზიკა/პროექტი

ახალი სტატიები

ვიკიპედია:ვიკიპროექტი:ფიზიკა/ახსტატ