Ateisme

Ateis atau Ateisme iolah sabuah pandangan filosofi nan picayo indak adonyo kabaradoan Tuhan jo dewa-dewi ^[1] atau juo penolakan tahadok teisme nan disaratoi jo klaim.^[2][3] Dalam pangartian nan paliang lueh, itu adolah kapicayoan soal indak adonyo dewa atau Tuhan.^[4][5]

Istilah ateisme barasa dari bahaso Yunani ἄθεος (átheos), nan sacaro peyoratif digunoan untuak marujuak pado siapopun nan kapicayoan batantangan jo agamo/kapicayoan nan alah mapan di lingkuangannyo. Dek manyebarnyo pamikiran bebas, skeptisisme ilmiah, jo kritik tahadok agama, istilah ateis mulai dispesifikasi untuak marujuak kapado mereka nan indak picayo kapado Tuhan. Urang nan partamo kali mangaku sabagai "ateis" muncua pado abad ka-18. Pado zaman kini, sakitar 2,3% populasi dunia mangaku sabagai ateis, manokalo 11,9% mangaku sabagai nonteis.^[6] Sakitar 65% penduduak Japang mangaku sabagai ateis, agnostik, atau juo urang nanindak baagamo; jo sakitar 48%-nyo di Rusia.^[7] Persentase komunitas tasabuik di Uni Eropa bakisar antaro 6% (Italia) sampai 85% (Swedia).^[7]

Banyak ateis basikap skeptis kapado kabaradoan fenomena paranormal karano kurangnyo bukti empiris. Nan lain maagiah argumen jo dasar filosofis, sosial, atau sijarah.

Pado kabudayoan Barat, ateis acok kali diasumsian sabagai indak baagamo (ireligius). Beberapa aliran Agamo Buddha indak panah manyabuikkan istilah 'Tuhan' dalam babagai upacara ritual, tapi dalam Agama Buddha konsep ketuhanan nan dimaksuik mampagunokan istilah Nirwana.^[8] Karanonyo agamo iko acok disabuik agamo ateistik.^[9] Walaupun banyak dari nan mandefinisikan dirinyo sabagai ateis candoang kapado filosofi sekuler cando humanisme,^[10] rasionalisme, dan naturalisme,^[11] indak ado ideologi atau perilaku spesifik nan dijunjuang dek sadoalah ateis.^[12]