Berlin
Berlin (/bəɹˈlɪn/; pangucapan Jerman: [bɛɐ̯ˈliːn] (
danga)) adolah ibu kota Republik Federal Jerman sajak taun 1994. Sabalunnyo bagian timur kota iko adolah ibu kota Republik Demokratis Jerman dari taun 1949 - 1990 dan ibu kota dari nagara Jerman basatu dari taun 1871 - 1945. Kota iko (2007) mamiliki panduduak sakitar 3,3 juta jiwa,[7] sainggo manjadikannyo kota paliang gadang di Jerman dan kota paliang gadang kaduo di Uni Eropa salapeh London.[8] Talatak di bagian timur laut Jerman dan dialiri Sungai Spree, kota iko marupokan pusek dari Kawasan Metropolitan Berlin-Brandenburg, nan bapanduduak sakitar 4,5 juta urang nan barasa labiah dari 180 nagara.[9][10][11][12] Sakitar sapatigo kota iko tadiri dari utan jo taman kota, sarato danau, jo sungai.[13]
| Berlin | ||||||||||
|---|---|---|---|---|---|---|---|---|---|---|
Ibu kota, negara bagian, jo munisipalitas | ||||||||||
| Berlin | ||||||||||
Dari ateh, kida ka suok: Panorama Tiergarten; Gerbang Brandenburg; Katedral Berlin; Istano Charlottenburg; Museum Island jo Minaro Berlin TV; Victory Column; Potsdam Square; jo Gaduang Reichstag | ||||||||||
| ||||||||||
 | ||||||||||
| Nagara | Jerman | |||||||||
| Nagara bagian | Berlin | |||||||||
| Pamarintahan | ||||||||||
| • Lembaga | Abgeordnetenhaus Berlin | |||||||||
| • Walikota | Franziska Giffey (SPD) | |||||||||
| • Bundesrat votes | 4 (dari 69) | |||||||||
| • Bundestag | 29 (dari 736) | |||||||||
| Laweh[1] | ||||||||||
| • Kota/Nagara bagian | 891,7 km2 (344,3 sq mi) | |||||||||
| Katinggian | 34 m (112 ft) | |||||||||
| Panduduak (31 Desember 2020)[2] | ||||||||||
| • Kota/Nagara bagian | 3,769,495 | |||||||||
| • Kota[3] | 4,473,101 | |||||||||
| • Metro[4] | 6,144,600 | |||||||||
| Zona wakatu | CET (UTC+01:00) | |||||||||
| • Musim paneh (DST) | CEST (UTC+02:00) | |||||||||
| Kode wilayah | 030 | |||||||||
| Geocode | NUTS Region: DE3 | |||||||||
| ISO 3166 | DE-BE | |||||||||
| Plat kandaraan | B | |||||||||
| GRP (nominal) | €155 billion (2020)[5] | |||||||||
| GRP per kapita | €41,000 (2020) | |||||||||
| GeoTLD | .berlin | |||||||||
| IPM (2018) | 0.964[6] sangaik tinggi · Kaduo dari 16 | |||||||||
| Situs web | berlin.de/en/ | |||||||||
.jpeg)
Partamo kali tadokumentasi pado abaik ka-13, Berlin marupokan ibu kota Karajaan Prusia (1701–1918), Kakaisaran Jerman (1871–1918), Republik Weimar (1919–33) jo Jerman Nazi (1933–45).[14] Berlin pado taun 1920-an marupokan munisipalitas paliang gadang katigo di dunia.[15] Salapeh Parang Dunia II, kota iko tapacah manjadi Berlin Timur-ibu kota Jerman Timur jo Berlin Barat, sabuah eksklav (dikaliliangi dek Tembok Berlin pado taun 1961-1989)[16] dari nagara bagian federal Republik Federal Jerman.[17] Setelah Reunifikasi Jerman pado taun 1990, kota iko baliak manjadi ibu kota nagara Jerman dan manauangi 147 kadutaan nagara asiang.[18][19]
Salain sabuah kota, Berlin juo marupokan satu dari 16 nagara bagian Jerman, nan bafungsi sabagai pusek kagiatan politik Uni Eropa, sarato sabagai metropolitan paliang sibuk di Eropa. Kota iko juo dijadikan sabagai pusek lalu linteh kagiatan ekonomi, budayo, pandidikan, politik, jo sains di Jerman.[20][21][22] Ekonomi kota iko babasis industri teknologi tinggi dan sektor jaso, ditambah babarapo sektor industri kreatif, media, jo arena konvensi. Berlin juo bafungsi sabagai pangubuang utamo kareta jo transportasi udaro di Eropa[23][24] dan tampek destinasi wisata tanamo.[25] Babagai macam industri ado di kota iko: teknologi informasi, ubek-ubek, bioteknologi, elektronik, energi tabaharui, jo lain-lain.
Babarapo institusi sarupo universitas, lembaga panalitian, teater, dan museum ado di kota iko.[26] Banyaknyo tampek basijarah di kota iko manjadikannyo tanamo sabagai tampek produksi film internasional.[27] Kota iko juo tanamo mamiliki kualitas iduik panduduaknyo nan rancak.[28]
Klub sipak bola nan bamarkas di kota iko iolah Hertha BSC Berlin.
