Драч
Драч (албански: Durrës, италијански: Durazzo; некогаш: Дрча) — приморски град во Албанија кој излегува на Јадранско Море. Претставува седиште на Драчката област средна Албанија, на 35 км од главниот град Тирана. Драч претставува најголемото пристаниште во Албанија и важна порта кон Средоземјето, а тоа го прави најзначаен град во развојот на економијата во земјата. Тој е всушност и најстариот град во Албанија чии зачетоци се во антиката. Според пописот од 2003 г. во Драч живеат околу 114.000 жители, а има и извесен број етничко македонско население.
| Mестоположба | |
|---|---|
| Општи податоци | |
| Име - изворно | Драч Durrës |
| Портал | http://www.durres.gov.al/ |
| Управа | |
| Земја |  Албанија |
| Градоначалник | Ванѓуш Дако (Партија на социјалистите) |
| Географија | |
| Население | |
Историја
Драч бил основан под името Епидамнос, од страна на грчките колонисти од Коринт и Крф во 627 година п.н.е. Од 229 г. п.н.е. потпаднал под власт на Римјаните кои му го дале името Диракиум (Dyrrhachium) и изградиле пат до Солун (Вија Егнација), кој подоцна бил продолжен до Цариград.
Градот под римска управа напредувал како значаен трговски пристаништен центар. Околу 430 г. тука е роден царот Анастасиј I. За време на преселбата на народите бил изложен на упади од страна на варварите, но сепак останал под управа на Византија.
Предлошка:Драч