Клајнмахнов
Клајнмахнов (германски: Kleinmachnow) — општина во округот Потсдам-Мителмарк, во Бранденбург, Германија.
| Клајнмахнов | |
 | |
  Клајнмахнов | |
| Управа | |
| Земја | Германија |
|---|---|
| Покраина | Бранденбург |
| Округ | Потсдам-Мителмарк |
| Месни единици | 2 |
| Градоначалник | Волфганг Блазиг (СДП) |
| Основни податоци | |
| Површина | 11,94 км2 |
| Надм. височина | 42 м |
| Население | 20.406 (31 декември 2020)[1] |
| - Густина | 1.709 жит/км2 |
| Други информации | |
| Часовен појас | CET/CEST (UTC+1/+2) |
| Рег. табл. | PM |
| Пошт. бр. | 14532 |
| Повик. бр. | 033203 |
| Портал | www.kleinmachnow.de |
| Местоположба на Клајнмахнов во рамките на округот Потсдам-Мителмарк | |
 | |
| Координати | 52°24′13″N 13°13′13″E / 52.40361° СГШ; 13.22028° ИГД |
Географија
Се наоѓа 19 километри југозападно од Берлин, веднаш до берлинскиот округ Штеглиц-Целендорф и 12 километри источно од Потсдам. Општината ја сочинува населбата Драјлинден.
Историја
Клајнмахнов е изграден долж поранешниот поток Беке (Bäke), денес заменет од Каналот Телтов изграден во 1906. Парво Махенов (Parvo Machenow) бил првпат споменат во земјишната книга во 1375 на царот Карло IV, потоа изборен кнез на Бранденбург. Во средновековни времиња речниот премин бил контролиран од замок, владеен од благородничкото семејство Хаке. Заедно со каналот била изградена брана кај Клајнмахнов, наскоро станувајќи негова знаменитост.
Од почетокот на 20 век, поранешното село се развило во влијателно предградие на Берлин. Во 1937 Вилхелм Онезорге, министер на Кралската пошта, го добил дворецот Хакебург (Hakeburg) како негова резиденција и воспоставил голем истражувачки објект за комуникации и електроника. Во Втората светска војна, Клајнмахнов бил место на принуден камп со околу 5.000 затвореници, вклучувајќи подкамп на Заксенхаузен.
Ноќта на 2-3 декември 1943, авионот Ланкастер на Кралскиот воздухопловни сили бил срушен над Клајнмахнов, а меѓу загинатите бил добро познатиот норвешки писател и поет Нордал Григ, во тоа време како воен кореспондент.
Во 1946, Партијата за социјалистичко единство на Германија (СЕД) го зазела Хакебург, кој бил седиште на партиската академија во следните години. Од 1961 до 1989 општината била опградена со Берлинскиот ѕид на три страни и автопатот близу Драјлинден (денес А115) бил место на главниот граничен премин. Од повторното обединување на Германија, Клајнмахнов имал голем пораст на населението, додека враќањето на бројни запленети имоти на оние сопственици кои побегнале од Источна Германија довеле до многу конфликти.
Збратимен град
Шопфхајм, Германија, од 1996
Познати луѓе
- Лили Браун, феминистка
- Фридрих Кајслер, глумец
- Арнолд Шенберг, композитор
- Курт Вајл, композитор
- Ханс Масен, писател
- Фред Вандер, писател
- Карл Гас, режисер
- Криста Волф, писателка
Наводи
Надворешни врски
Клајнмахнов на Ризницата ?- Официјална страница
