Ливорно (покраина)

Покраината Ливорно (италијански: provincia di Livorno) е покраина во регионот Тоскана во Италија. Во нејзин состав влегуваат и неколку острови на Тосканскиот Архипелаг, меѓу кои и Елба и Капраја. Нејзин административен центар е градот Ливорно. По формирањето во 1861 година, во состав на покраината биле вклучени само Ливорно и Елба. Нејзината територија била проширена во 1925 година за сметка на покрините Пиза и Џенова.^[1] Покраината Ливорно зафаќа површина од 1211 квадратни километри, а во неа живеат 343.003 жители (2012). Во покраината има 19 општини.^[1][2] Крајбрежјето на областа е познато како Етрурски брег („Costa degli Etruschi“).^[3]

Покраина Ливорно
Покраина
Седиштето на покраината во Ливорно.
Грб
Map highlighting the location of the province of Livorno in Italy
Држава	Италија
Регион	Тоскана
Седиште	Ливорно
Општини	19
Управа
• Претседател	Мариа Ида Беси
Површина
• Вкупна	1.218 км2 (470 ми2)
Население (31 јули 2015)
• Вкупно	337.992
• Густина	280/км2 (720/ми2)
Часовен појас	Средноевропско време (UTC+1)
• Лете (ЛСВ)	Летно средноевропско време (UTC+2)
Поштенски броеви	57014, 57016, 57020-57023, 57025, 57027-57028, 57030-57034, 57036-57039
Повикувачки број	0565, 0586
Рег. таб.	LI

Покраината Ливорно е крајбрежна и има многу крајбрежни градови. Ливорно е важно пристаниште за туризам и трговија, а во близина на градот има многу караули. Во Калафурија, морето изобилува со сунѓери, школки, риби и заштитени црвени корали (Corallium rubrum). Крајбрежјето е претежно карпесто.^[4] Во водите околу покраината Ливорно понекогаш има делфини.^[5] Во Градот Сан Винченцо има кула од четиринаесеттиот век. Песокот на Голфо ди Барати е сребрен и црн поради високата концентрација на железо, а во областа има археолошки парк.^[4]