Општина Куманово

Оваа општина се наоѓа во Североисточниот Регион во состав на Република Македонија, источно од главниот град Скопје, западно од Крива Паланка, и се простира до границата со Србија.

Населени места

Општина Куманово содржи вкупно 46 села и населени места, т.е.^[2] градот Куманово и селата: Агино Село, Бедиње, Бељаковце, Биљановце, Брзак, Вак'в, Винце, Воиновиќ, Габреш, Горно Коњаре, Градиште, Д’лга, Доброшане, Довезенце, Долно Коњаре, Живиње, Зубовце, Јачинце, Карабичане, Клечевце, Кокошиње, Колицко, Косматац, Костурник, Кутлибег, Кучкарево, К’шање, Лопате, Љубодраг, Мургаш, Ново Село, Новосељане, Орашац, Пезово, Пчиња, Режановце, Речица, Романовце, Скачковце, Сопот, Студена Бара, Сушево, Табановце, Тромеѓа, Умин Дол, Черкези, Четирце и Шупљи Камен.

Податоци од пописот извршен 2002 година^[3]

Градоначалници

Градоначалник на општина Куманово е Максим Димитриевски од редовите на За наше Куманово. Тој бил избран на локалните избори од 2021 година за мандат од четири години.^[4] Советот на општина Куманово е составен од 33 члена. Според последните локални избори од 2021 година, членовите на советот според политичката припадност за мандатот 2021-2025 се:

Седиште на Општина Куманово

Поранешното седиште на општината била во зграда во т.н. Касапски круг.^[5]

Денешното седиште на Општина Куманово се наоѓа во средиштето на Куманово, на улица „11 Октомври“ б.б.^[6]

Буџет

На крајот од 2019 година, 218 лица биле вработени во општинската администрација на Општина Куманово. Во 2019 година, вкупните буџетски расходи на општината изнесувале 1,654 милијарди денари. Во вкупните буџетски расходи, 55,15% биле тековни расходи, 26,13% биле трошоци за стоки и услуги, 12,66% биле капитални расходи и 5,91% други расходи. Од вкупните буџетски приходи на општината, дури 70,33% отпаѓале на трансферите од централната власт, учеството на даночните приходи изнесувало 11,59%, 15,31% отпаѓало на неданочните приходи, 1,66% биле приходи од продажба на земјиште и 0,87% приходи од донации. Поради наталожените неплатени обврски, од 2013 година, општината работела со блокирана сметка во подолг временски период, а нејзината сметка била деблокирана дури во март 2020 година.^[7]

Во околината на Куманово се наоѓа познатата неолитска опсерваторија Кокино, која од НАСА е рангирана помеѓу најстарите четири во светот.

Во Куманово постојат спортски клубови кои можат да се пофалат со своите спортски достигнувања.Најпознат клуб во куманово сега за сега,2013 година,е Кошаркарскиот клуб.Клубот се натпреварува во првата Супер лига на Македонија и во Балканската БИБЛ лига.За големите успеси се заслужни и неколку навивачки групи од кои најпозната е КУМАНИ која е оформена во 1990 година.Секогаш е како играч плус во сите спортови во градот.

Ракометниот клуб-мажи, исто така се натпреварува во првата Македонска лига,кој со млади играчи се наоѓа во транзиција

Боксерскиот клуб на Куманово е клуб со најмногу трофеи во градот.Моментално клубот не постои,но ветрините ги красат неколку пехари од освоениот златен гонг на Македонија.Од освоени трофеи може да се пофалиме и со бронзената медаља од олимпијадата во Монтреа на нашиот најзаслужен спортист по кој се распознава градот,а тоа е Аце Русевски.Исто така и Реџеповски кој го освои второто место на Европското првенство и бронза на олимпијада.Витрините се закитени и со трофеи од сите турнири во бивша Југославија.

Фудбалскиот клуб Куманово не постои но и Куманово има Приватен Фудбалски клуб Башкими кој се натпреварува во првата Македонска лига со една титула Првак на Македонија и една куп на Македонија.

• Знаме на Општина Куманово
• Грб на Општина Куманово

• Портал на Општина Куманово
• Општина Куманово во „АБВ - деловен именик“ Архивирано на 6 март 2016 г.