Хорор (филм)

Хорор-филм или филм на ужасите — киножанр, чија цел е да предизвика негативна емотивна реакција кај гледачите со манипулација на прималните стравови на публиката. Вдахнат од хорор-литературата преку автори како Едгар Алан По, Брам Стокер и Мери Шели, хорор-филмовите се појавуваат кон крајот на XIX век. Филмот на ужасите често има натприродни теми и може да се преклопува со фантастиката и трилерот.^[1]

Хорор-филмовите често се однесуваат на кошмари, страв, гадење и ужас поврзани со непознатото. Содржините на хорор-жанрот често се однесуваат на судири со злото во рамки на секојдневниот живот. Во таа насока, чести елементи на хорор-филмот се духови, вонземјани, вампири, врколаци, демони, вештерки, зомбија, човекојадци и сериски убијци.