„Светска книга на факти“ на ЦИА
Светската книга на факти (The World Factbook или CIA World Factbook; ISSN 1553-8133)[2] е прирачно дело што го изготвува Централната разузнавачка агенција на САД (ЦИА) кое содржи информации за земјите во светот во облик на годишник. Книжните примероци се достапни од Националната служба за технички информации и Владината печатница. Истото го печатат и други печатници како Skyhorse. Делото е достапно и на неговиот портал, кој делумно се подновува секоја недела. Ова издание може и да се преземе во целст, за вонмрежна употреба. Покриени се 267 земји и територии - секоја има преглед во две до три страници на демографијата, географијата, комуникациите, управата, стопанството и одбраната.[3]
 Корица на последното државно печатено издание на Светската книга на факти (изд. 2012-13) | |
| Автор | ЦИА |
|---|---|
| Изворен наслов | The World Factbook' |
| Јазик | англиски |
| Жанр | годишник за земјите на светот |
| Издавач | Управа за разузнавање[1] |
Издадена | ЦИА повеќе не објавува книжни изданија |
Книгата се подготвува во ЦИА со цел да им служи на службениците и функционерите во владата на САД, што се одразува врз стилот, форматот и опфатот на делото.[4] Книгата служи и како извор извор на податоци при изработката на академските трудови.[5] Како дело на владата на САД, книгата е во јавна сопственост таа земја.[6]
Извори на податоците
При изготвувањето на Светската книга на факти, ЦИА се служи со следниве избори. Се консултираат и други јавни и приватни избори.[4]
- Антарктички информативен програм (Национална научна фондација)
- Медицински разузнавачки центар на Вооружените сили (Министерство за одбрана)
- Пописна служба (Министерство за трговија)
- Служба за трудова статистика (Министерство за труд)
- Совет на раководители на националните антарктички програми
- Агенција за воено разузнавање (Министерство за одбрана)
- Министерство за енергетика
- Министерство за надворешни работи
- Служба рибен фонд и дива природа (Министерство за внатрешни работи)
- Поморска управа (Министерство за транспорт)
- Национална агенција за геопросторно разузнавање (Министерство за одбрана)
- Управа на военоморнаричката инженерија (Министерство за одбрана)
- Служба за островски работи (Министерство за внатрешни работи)
- Служба за поморско разузнавање (Министерство за одбрана)
- Службен весник за нафта и гас
- Одбор за географски поими (Министерство за внатрешни работи)
- Военотранспортна управа (Министерство за одбрана)
Наводи
Оваа статија содржи материјал во јавна сопственост од портали или документи од Светската книга на факти.
Надворешни врски
- Светска книга на факти Архивирано на 12 септември 2009 г. (англиски)