अक्सफोर्ड विश्वविद्यालय
अक्सफोर्ड विश्वविद्यालय (कानूनी रूपमा द चान्सलर, मास्टर्स एन्ड स्कलर्स अफ द युनिभर्सिटी अफ द अक्सफोर्ड) अक्सफोर्ड, अक्सफोर्डसायर, इङ्ल्यान्डमा रहेको एउटा कलेजिएट अनुसन्धान विश्वविद्यालय हो। यहाँ सन् १०६९ देखि नै अध्यापन हुँदै आइरहेको प्रमाणहरू भेटिएका छन्,[२] जसले यस विश्वविद्यालयलाई अङ्ग्रेजी-बोल्ने विश्वको सबैभन्दा पुरानो विश्वविद्यालयको तथा नियमित सञ्चालनमा रहेको विश्वको दोस्रो पुरानो विश्वविद्यालयको रूपमा चिनाउँछन्।[२][१०] यसको द्रुतदर विकास सन् ११६७ देखि भएको पाइन्छ जति बेला हेनरी द्वितीयले अङ्ग्रेज विद्यार्थीहरूलाई पेरिस विश्वविद्यालयमा भर्ना हुनबाट रोक लगाएका थिए।[२] सन् १२०९ मा विद्यार्थीहरू र अक्सफोर्ड नगरवासीहरू बीच विवास पश्चात् केही शिक्षाकर्मीहरू उत्तर-पूर्वी क्षेत्र क्याम्ब्रिज गए जहाँ उनीहरूले छुट्टै शिक्षालयको स्थापना गरे जुन क्याम्ब्रिज विश्वविद्यालय बन्यो।[११] यी दुई अङ्ग्रेजी प्राचीन विश्वविद्यालयहरूका विभिन्न समान विशेषताहरू रहेका छन् र सामूहिक रूपमा अक्सब्रिजको नामले पनि चिनिन्छन्।
रोमन: Universitas Oxoniensis | |
उपनाम | द चान्सलर, मास्टर्स एन्ड स्कलर्स अफ द युनिभर्सिटी अफ द अक्सफोर्ड[१] |
---|---|
आदर्श वाक्य | रोमन: Dominus illuminatio mea |
नेपालीमा आदर्श वाक्य | The Lord is my light |
प्रकार | सामुदायिक अनुसन्धान विश्वविद्यालय |
स्थापना | अन्दाजी १०९६[२] |
इन्डोमेन्ट | £६.१ बिलियन (कलेजहरू सहित) (३१ जुलाई २०१९ अनुसार)[३] |
बजेट | £२.४५ बिलियन (कलेजहरू बाहेक) (सन् २०१८–२०१९)[३] |
कुलपति | द लर्ड प्याटन अफ बार्नेस |
उप-कुलपति | लुइन रिचार्डसन[४][५] |
शैक्षिक कर्मचारी | ७०००+ [६] |
विद्यार्थीहरू | २४,५१५ (सन् २०१९) [७] |
स्नातकहरू | ११,९५५ |
स्नातकोत्तरहरू | १२,०१० |
अन्य विद्यार्थीहरू | ५४१ (सन् २०१७)[८] |
स्थान | अक्सफोर्ड, अक्सफोर्डसायर , इङ्ल्यान्ड, संयुक्त अधिराज्य ५१°४५′१८″उ॰ ०१°१५′१८″प॰ / ५१.७५५००°N १.२५५००°W ०१°१५′१८″प॰ / ५१.७५५००°N १.२५५००°W |
क्याम्पस | विश्वविद्यालय नगर |
रङ्गहरू | अक्सफोर्ड निलो[९] |
एथ्लेटिक्स | खेल सम्बन्धित निलो |
सम्बन्धनहरू | आइएआरयु रुसेल समूह युरोपियम इयुए सुनौलो त्रिभुज जी५ एलइआरयु एसइएस युनिभर्सिटिज युके |
वेबसाइट | ox |
यो विश्वविद्यालय ३९ वटा अर्ध-स्वायत्त आङ्गिक क्याम्पसहरू, ५ स्थायी नीजि हलहरू, र चार वटा प्रभागमा व्यवस्थित विभिन्न शैक्षिक विभागहरूले बनेको छ।[१२] सबै कलेजहरू विश्वविद्यालय भित्र रहेका स्वशासित संस्थाहरू हुन्, जसले आफ्नो सदस्यता तथा आन्तरिक संसचना र क्रियाकलापहरूको व्यवस्थापन स्वयं गर्दछन्। सबै विद्यार्थीहरू कलेजका सदस्यहरू हुन्।[१३] यसको कुनै मुख्य क्याम्पस रहेको छैन्, र यसका भवन तथा संसाधनहरू नगर केन्द्रमा छरिएर रहेका छन्। अक्सफोर्डमा स्नातक शिक्षण साप्ताहिक रूपमा साना-समूहमा कलेजहरू र हलहरूमा ट्युटोरियलहरूको रूपमा चलाइन्छ - यो अक्सब्रिज प्रणालीको एउटा नितान्त फरक विशेषता हो। यसको अलावा केन्द्रीय विश्वविद्यालय फ्याकल्टी र विभागहरूले कक्षाहरू, लेक्चरहरू, सेमिनारहरू, प्रयोगात्मक कृयाकलाप र कहिलेकाँही थप ट्युटोरियलहरू समेत प्रदान गर्ने गर्दछन्। स्नातकोत्तर शिक्षा मुख्य रूपमा केन्द्रीय रूपमा प्रदान गरिन्छ।
अक्सफोर्डले विश्वको सबैभन्दा पुरानो विश्वविद्यालय सङ्ग्रहालय सञ्चालन गर्दछ, साथै यसले विश्वकै ठूलो युनिभर्सिटि प्रेस [१४] र सबैभन्दा ठूलो देशव्यापी शैक्षणिक पुस्तकालय प्रणाली समेत सञ्चालन गर्दछ।[१५] आर्थिक वर्षको समाप्ति २१ जुलाई २०१९ मा विश्वविद्यालयको जम्मा आय £२.४५ बिलियन थियो, जस मध्ये £६२४.८ मिलियन अनुसन्धान अनुदान र अनुबन्धहरूबाट प्राप्त भएको थियो।[३]