Ikkje-statleg organisasjon

Ikkje-statleg organisasjon (frå engelsk non-governmental organization; forkortinga NGO finst òg i norske publikasjonar) er organisasjonar som arbeider parallelt med statlege organ, men som ikkje er underlagt ei statleg styresmakt. Ikkje-statlege organisasjonar kan i mange tilfelle ha ei form for samarbeid eller konsultativ status både hjå nasjonale styresmakter og internasjonale organisasjonar, mellom desse ulike SN-organ, Europarådet og andre organisasjonar.

I Noreg bruker ein gjerne nemningane «frivillige organisasjonar» eller «ideelle organisasjonar». Organisasjonar med primært kommersiell målsetning vert ikkje rekna som ikkje-statlege organisasjonar. Ikkje-statlege organisasjonar kan finansierast gjennom private eller offentlege bidrag, eller ein kombinasjon.