Bitcoin

Lo bitcoin (nom format a partir de bit unitat informatica e de coin "pèça de moneda" en anglés) es una moneda electronica descentralizada que foguèt concebuda en 2009 per un o maites informaticians coneguts jos l'escais de Satoshi Nakamoto. Son utilizacion passa per un protocòl informatic executat per un logicial liure de meteis nom, escrich en C++ e publicat jos licéncia MIT.

Foncionant d'un biais completament descentralizat, la gestion de la moneda es distribuïda sus totes los noses de la ret, de tal biais que lo bon foncionament del sistèma dependa pas de l'integritat o de la competéncai d'un emetedor central, mas unicament de la robustesa dels procèsses criptografics emplegats.

Son simbòl monetari, pas encara oficial, es ฿ o Ƀ2. La sigla correspondenta es BTC.