கடற்காற்று

சூரியன் உதித்த பின் புவியின் நிலப்பரப்பு அதன் கடினத் தன்மை காரணமாக மிக விரைவாக வெப்பமடைகிறது.^[1] இதனால் நிலப்பரப்பின் மீது உள்ள காற்று சூடேறி, காற்றில் உள்ள ஈரப்பதம் ஆவியாகி எடை குறைந்து வளிமண்டலத்தின் மேலே சென்றுவிடுவதால் நிலப்பரப்பின் மீது காற்றின் அழுத்தம் குறைவாகக் காணப்படுகிறது.

அதே பகல் நேரத்தில் கடற்பரப்பின் மீது படும் சூரிய வெப்பம் நீருக்குள் ஆழமாக ஊடுருவி செல்வதால் நீா்ப்பரப்பு மெதுவாக சூடேறுகிறது. அப்பொழுது நிலப்பரப்பைக் காட்டிலும் நீா்ப்பரப்பின் மீது குறைவான வெப்பம் காரணமாகக் காற்றின் அழுத்தம் அதிகமாக இருப்பதால், அதிக காற்றழுத்தப் பகுதியான கடற்பகுதியிலிருந்து குறைந்த காற்றழுத்தப் பகுதியான நிலப்பகுதியை நோக்கி காற்று வீசுகிறது.^[2]