தனியார் பல்கலைக்கழகம்

இந்தியாவில் உள்ள பல்கலைக்கழகங்கள் பல்கலைக்கழக மானியக் குழு ஆணையத்தால் அங்கீகரிக்கப்பட்டுள்ளன, இது 1956^[1] ஆம் ஆண்டு பல்கலைக்கழக மானிய ஆணையச் சட்டத்திலிருந்து உருவாக்கப்பட்டது. 2003^[2] ஆம் ஆண்டு முதல் இந்தியாவில் உள்ள தனியார் பல்கலைக்கழகங்கள் பல்கலைக்கழக மானியக் குழு (தனியார் பல்கலைக்கழகங்களில் தரநிலைகளை நிறுவுதல் மற்றும் பராமரித்தல்) விதிமுறைகளின் கீழ் கட்டுப்படுத்தப்படுகின்றன. பல்கலைக்கழக மானியக் குழுவால் 23 ஆகத்து 2022ஆம் ஆண்டு நிலவரப்படி 421 பல்கலைக்கழகங்கள் இயங்குவதாக பட்டியலிடப்பட்டது.^[3]

இலங்கை நாட்டில் தனியார் பல்கலைக்கழகங்களை அதிகாரப்பூர்வமாக அங்கீகரிக்கவில்லை, ஆனால் தனியார் நிறுவங்களால் இயங்கும் பல்கலைக்கழகங்களை வெளிப்படையாக தடைசெய்யவில்லை. அவ்வாறு இயங்கும் பல தனியார் கல்லூரிகள் உள்ளன (இந்த நிறுவனங்கள் நிறுவனச் சட்டத்தின் கீழ் பதிவு செய்யப்பட்டுள்ளன).