தமிழ் ஒலிப்புமுறை

ஒலியன் என்பது தமிழில் காணப்படும் சொற்களின் பொருள்களை வேறுபடுத்தி அறிவதற்கு உரிய அடிப்படையான ஒலி அலகு. எடுத்துக்காட்டாகத் தமிழில் காணப்படும் அடு, ஆடு, இடு, ஈடு முதலியன பொருள் கொள்ளுதலில் தம்முள் வேறுபட்டவை ஆகும்.

இவ்வேறுபாட்டை இச் சொற்களில் காணப்படும் அ(a), ஆ(a:), இ(i), ஈ(i:), ஆகிய ஒலியன்கள் காட்டுகின்றன. எனவே அ, ஆ இ, ஈ முதலியன ஆகியவை தமிழ் மொழியில் காணப்படும் தனித்தனி உயிர் ஒலியன்களாகக் கருதப்படுகின்றன.

இவ்வாறு தமிழ் மொழியில் காணப்படும் சொற்கள் அனைத்தையும் ஆ(ரா)யும்போது, அ,ஆ,இ,ஈ,உ,ஊ,எ,ஏ,ஐ,ஒ,ஓ,ஔ என்ற 12 உயிர் எழுத்துக்களும், க,ங,ச,ஞ,ட,ண,த,ந,ப,ம, ய,ர,ல,வ,ழ,ள,ற,ன ஆகிய 18 மெய் எழுத்துக்களும், ஃ என்னும் எழுத்தால் குறிக்கப்படும் ஆய்தமும் குற்றியலிகரம் குற்றியலுகரம் என்று 33 ஒலியன்கள் உள்ளன.

• மெய்யெழுத்துக்களின் ஒலிப்புமுறை வெளிப்படும் விதம்:
  • மெல்லண்ண மெய்கள் (1): க, ங
  • அண்ண மெய்கள் (2): ச, ஞ
  • நரம்பு ஒலி மெய்கள் (3): ட, ண
  • நுனிநாப் பல்லின மெய்கள் (4): த, ந
  • இதழின மெய்கள் (5): ப, ம
• அரை உயிர் மெய்கள் : ய, ர, ல, வ
• தனித்துவ தமிழ் மெய்கள் : ழ, ள, ற, ன

ஒலிகள் அவை பலுக்கப்படும் போது பயன்படும் ஒலி உறுப்புக்களின் இடத்தையும் (place) அவை பலுக்கப்படும் முறையையும் (manner) அடிப்படையாக வைத்துப் பல்வேறு வகைகளாகப் பிரிக்கப்படும்.

ஒலி உறுப்புக்கள்:

• காற்றறைகள் (air chambers) - நெஞ்சு, தொண்டை, வாய், மூக்கு - நெஞ்சிலிருந்து எழும் காற்று தொண்டை வழி சென்று வாய், மூக்கு ஆகியன வழி வெளிப்படும்போதுதான் இவ்வொலிகள் உண்டாகின்றன.
• ஒலி எழுப்பிகள் (articulators) - பல், இதழ், நாக்கு, அண்ணம், குரல்வளை - இவற்றுள் பல், அண்ணம் ஆகியன அசையா உறுப்புக்கள்; இதழ், நாக்கு, குரல்வளை மடல்கள் (vocal chords) அசையும் உறுப்புக்கள்.
• வாய் ஒலிகளும் மூக்கு ஒலிகளும் (oral & nasal)

காற்று வாய்வழி வரும்பொழுது மூக்கறை அடைபட்டு வாய்வழி ஒலி வரும்போது உருவாகும் ஒலி அலைகள் வாய் ஒலிகள் (oral sound) - அ,இ,க,ச,ட போன்றவை.

வாய் அடைக்கப்பட்டு மூக்கு வழி வரும் ஒலி அலைகள் மூக்கொலிகள்(nasal) - ங,ஞ,ண,ந,ம,ன போன்றவை.

தமிழ் எழுத்துகள் வல்லினம், மெல்லினம் மற்றும் இடையினம் என பிரிக்கப்பட்டுள்ளன. உச்சரிக்கையில், வல்லின எழுத்துகள் அழுத்தம் மிகுந்தும், மெல்லின எழுத்துகள் அழுத்தம் குறைந்தும், இடையின எழுத்துகள் மிதமான அழுத்தத்துடனும் ஒலிப்பன.

வல்லின எழுத்துகள் சொல்லின் முதலாக தோன்றும் பொழுதும் சொல்லின் இடையில் இன ஒற்றுக்குப் பிறகு தோன்றும் பொழுதும் வல்லினதிற்குறிய இயல்பான அழுத்தத்துடனேயே உச்சரிக்கப் படுகின்றன. ஆனால் பெரும்பாலும் சொல்லின் இடையில் தனித்து தோன்றும் பொழுது அழுத்தம் சற்று குறைந்து ஒலிக்கப்படுகின்றன.

எடுத்துக்காட்டுகள்:

• இயல்பான அழுத்தம் - பாவை, இனிப்பு; செம்மை, மகிழ்ச்சி
• குறைந்த அழுத்தம் - இயல்பு; பாசம்

• தமிழ் ஆங்கிலம் இலக்கண ஒப்பீட்டு அட்டவணை

• ஆய்த எழுத்தைக் கொல்வது முறையா?
• ஒலிபெயர்ப்பு - எழுத்துப்பெயர்ப்பு
• தமிழ் உச்சரிப்பு - காற்றுவெளி வலைப்பதிவு
• தமிழ் உச்சரிப்பு - ஆங்கில கையேடு^{[தொடர்பிழந்த இணைப்பு]}
• தமிழ்த்தாயையும் பாரதமாதாவையும் பேசவைப்போம்
• (எல்லா ஒலியையும் ஒலிக்கும் எழுத்துக்கள்) தமிழுக்கு தேவையா - காலம் வலைப்பதிவு