பெரிய ஜிம்பாப்வே
பெரிய ஜிம்பாப்வே என்பது ஜிம்பாப்வேயின் தென்கிழக்கு மலைகளில் முடிரிக்வே ஏரி மற்றும் மஸ்விங்கோ நகரத்திற்கு அருகிலுள்ள ஒரு பாழடைந்த நகரம் ஆகும். இது நாட்டின் பிற்பகுதியில் இரும்பு யுகத்தின் போது ஜிம்பாப்வே இராச்சியத்தின் தலைநகராக இருந்தது. நகரத்தின் கட்டுமானம் 11 ஆம் நூற்றாண்டில் தொடங்கி 15 ஆம் நூற்றாண்டில் கைவிடப்படும் வரை தொடர்ந்தது.[1] இந்த மாளிகைகள் மூதாதையர் ஷோனாவால் அமைக்கப்பட்டன. கல்லால் ஆன இந்த நகரம் 7.22 சதுர கிலோமீட்டர் (1,780 ஏக்கர்) பரப்பளவில் உள்ளது, அதன் உச்சத்தில், இந்த நகரம் 18,000 மக்கள் வரை மக்கள் தொகையை கொண்டு இருந்திருக்கலாம். இது யுனெஸ்கோவால் உலக பாரம்பரிய தளமாக அங்கீகரிக்கப்பட்டுள்ளது.
வரலாறு
கிரேட் ஜிம்பாப்வே உள்ளூர் மன்னருக்கு அரச அரண்மனையாக பணியாற்றியதாக நம்பப்படுகிறது. எனவே, இது அரசியல் அதிகாரத்தின் இடமாக பயன்படுத்தப்பட்டிருக்கும். இந்த மாளிகையின் மிக முக்கியமான அம்சங்களில் அதன் சுவர்கள் இருந்தன, அவற்றில் சில ஐந்து மீட்டர் உயரத்திற்கு மேல் இருந்தன. இவை காரைகள் (உலர்ந்த கல்) இல்லாமல் கட்டப்பட்டன. இறுதியில், நகரம் கைவிடப்பட்டு அழிந்து போனது. கிரேட் ஜிம்பாப்வே இடிபாடுகள் பற்றி முதன்முதலில் எழுதப்பட்ட குறிப்பு 1531 ஆம் ஆண்டில் நவீன மொசாம்பிக் கடற்கரையில் சோபாலாவின் போர்த்துகீசிய படைப்பிரிவின் கேப்டன் விசென்ட் பெகாடோ என்பவரால் சிம்பாவோ என பதிவு செய்யப்பட்டது.[2]
ஐரோப்பியர்களின் முதல் உறுதிப்படுத்தப்பட்ட வருகைகள் 19 ஆம் நூற்றாண்டின் பிற்பகுதியில் நடந்தது. இந்த தளத்தின் விசாரணைகள் 1871 இல் தொடங்கின. பின்னர், இந்த நினைவுச்சின்னம் தொல்பொருள் உலகில் சர்ச்சைக்குரியதாக இருந்தது, ரோடீசியா அரசாங்கத்தால் தொல்பொருள் ஆராய்ச்சியாளர்களுக்கு அரசியல் அழுத்தம் கொடுக்கப்பட்டது.[3] கிரேட் ஜிம்பாப்வே பின்னர் ஜிம்பாப்வே அரசாங்கத்தால் ஒரு தேசிய நினைவுச்சின்னமாக ஏற்றுக்கொள்ளப்பட்டது, மேலும் நவீன சுதந்திர அரசு அதற்கு பெயரிடப்பட்டது. கிரேட் என்ற சொல் இந்த தளத்தை பல நூற்றுக்கணக்கான சிறிய இடிபாடுகளிலிருந்து வேறுபடுத்துகிறது, இப்போது இது "ஜிம்பாப்வேஸ்" என்று அழைக்கப்படுகிறது, இது ஜிம்பாப்வே ஹைவெல்ட் முழுவதும் பரவியுள்ளது.[4] ஆப்பிரிக்காவின் தெற்குப் பகுதிகளில் சிம்பாப்வேயில் பம்பூசி மற்றும் மொசாம்பிக்கில் மன்யிகேனி போன்ற 200 தளங்கள் உள்ளன. இந்த நினைவுச் சின்னங்கள், காரை இல்லாத சுவர்களுடன் உள்ளன; கிரேட் ஜிம்பாப்வே இவற்றில் மிகப்பெரியது.
கிரேட் ஜிம்பாப்வே பல்கலைக்கழகம்
21 ஆம் நூற்றாண்டின் முற்பகுதியில், சிம்பாப்வே அரசாங்கம் இடிபாடுகளுக்கு அருகில் ஒரு பல்கலைக்கழகத்தை உருவாக்க ஒப்புதல் அளித்தது. இந்த பல்கலைக்கழகம் ஒரு கலை மற்றும் கலாச்சார அடிப்படையிலான பல்கலைக்கழகமாகும், இது நினைவுச்சின்னங்களின் வளமான வரலாற்றிலிருந்து பெறப்படுகிறது. உலகமயமாக்கல் காரணமாக இருண்ட எதிர்காலத்தை எதிர்கொண்டிருந்த இந்த நாட்டின் வளமான வரலாற்றைப் பாதுகாப்பதற்காக இந்த பல்கலைக்கழகம் உருவாக்கப்பட்டது. பல்கலைக்கழக மையம் நகர மையம் மற்றும் மஷாவாவில் உள்ள மற்ற வளாகங்களுடன் நினைவுச்சின்னங்களுக்கு அருகில் உள்ளது. வளாகங்களில் ஹெர்பெட் சிட்டெபோ சட்டப் பள்ளி, ராபர்ட் முகாபே கல்விப் பள்ளி, கேரி மாகட்ஸைர் வேளாண்மை மற்றும் இயற்கை அறிவியல் பள்ளி, சைமன் முசெண்டா கலை சார்ந்த பள்ளி மற்றும் முன்ஹுமுதாபா வர்த்தகம் சார்ந்த பள்ளி ஆகியவை அடங்கும்.[5]