பெர்ரோ காந்தவியல்

அயக்காந்தவியல் (Ferromagnetism) என்பது சில பொருட்கள் ( இரும்பு போன்றவை ) நிரந்தர காந்தங்களை உருவாக்குவது, அல்லது காந்தங்களால் ஈர்க்கப்படுவதனைக் குறிக்கிறது. இயற்பியலில், பல்வேறு வகையான காந்தவியல் உள்ளன. சிறுமுரண் இரும்பியக் காந்தவியல் விளைவு போன்ற அயக்காந்தவியலானது வலுவானதும் நமது அன்றாட வாழ்க்கையில் எதிர்கொள்ளும் காந்தங்களின் பொதுவான நிகழ்வுக்கு காரணமானதாகும்.^[1] குளிர்சாதனப் பெட்டியின் கதவுகளில் பயன்படுத்தப்படுவது இதற்கு உதாரணமாகும்.

ஒரு சில சார்-பொருட்கள் மட்டுமே அயக்காந்தவியல் பண்பு கொண்டவை. இரும்பு, கோபால்ட், நிக்கல் மற்றும் அவற்றின் பெரும்பாலான உலோகக் கலவைகள் மற்றும் அரிய பூமி உலோகங்களின் சில சேர்மங்கள் இவற்றிற்கு பொதுவானவை. தொழிற்துறை மற்றும் நவீன தொழில்நுட்பத்தில் அயக்காந்தவியல் மிகவும் முக்கியமானது, மேலும் மின்காந்தங்கள், மின்சார மோட்டார்கள், மின்னியற்றி, மின்மாற்றிகள் மற்றும் டேப் ரெக்கார்டர்கள் மற்றும் வன்தட்டு நிலை நினைவகம் போன்ற காந்த சேமிப்பிடம் மற்றும் இரும்புப் பொருட்களின் சிதைவுறாச் சோதனை போன்ற பல மின் மற்றும் மின்காந்த சாதனங்களுக்கு இது அடிப்படையாகும்.