பொட்டாசியம் பெர்சல்பேட்டு
பொட்டாசியம் பெர்சல்பேட்டு (Potassium persulfate) என்பது K2S2O8 என்ற மூலக்கூற்று வாய்ப்பாடு கொண்ட ஒரு கனிம வேதியியல் சேர்மமாகும். பொட்டாசியம் பெராக்சி இருசல்பேட்டு என்றும் அழைக்கப்படும் இச்சேர்மம் வெண்மை நிறத் திண்மமாகவும் தண்ணீரில் நன்றாகக் கரையக்கூடியதாகவும் உள்ளது. வலிமையான ஆக்சிசனேற்றியாகச் செயல்படும் இவ்வுப்பு பலபடியாதல் வினைகளை தொடங்கி வைக்கும் சேர்மமாக விளங்குகிறது.
பெயர்கள் | |
---|---|
வேறு பெயர்கள் பொட்டாசியம் பெராக்சி இருசல்பேட்டு ஆந்தியான் பொட்டாசியம் பெர் இருசல்பேட்டு | |
இனங்காட்டிகள் | |
7727-21-1 | |
ChemSpider | 22821 |
EC number | 231-781-8 |
InChI
| |
யேமல் -3D படிமங்கள் | Image |
பப்கெம் | 24412 |
வே.ந.வி.ப எண் | SE0400000 |
| |
UN number | 1492 |
பண்புகள் | |
K2S2O8 | |
வாய்ப்பாட்டு எடை | 270.322 கி/மோல் |
தோற்றம் | வெண்மை தூள் |
மணம் | நெடியற்றது |
அடர்த்தி | 2.477 கி/செ.மீ3[1] |
உருகுநிலை | < 100 °C (212 °F; 373 K) (சிதைவடையும்) |
1.75 கி/100 மி.லி (0 °செ) 4.49 கி/100 மி.லி (20 °செ) | |
கரைதிறன் | ஆல்ககாலில் கரையாது |
ஒளிவிலகல் சுட்டெண் (nD) | 1.467 |
கட்டமைப்பு | |
படிக அமைப்பு | முச்சரிவு |
தீங்குகள் | |
பொருள் பாதுகாப்பு குறிப்பு தாள் | ICSC 1133 |
ஈயூ வகைப்பாடு | ஆக்சிசனேற்றி (O) தீங்கானது (Xn) எரிச்சலூட்டும் (Xi) |
தீப்பற்றும் வெப்பநிலை | எளிதில் தீப்பற்றாது. |
Lethal dose or concentration (LD, LC): | |
LD50 (Median dose) | 802 மி.கி/கி.கி (வாய்வழி, எலி)[2] |
தொடர்புடைய சேர்மங்கள் | |
ஏனைய எதிர் மின்னயனிகள் | பொட்டாசியம் சல்பைட்டு பொட்டாசியம் சல்பேட்டு பொட்டாசியம் பெராக்சியொருசல்பேட்டு |
ஏனைய நேர் மின்அயனிகள் | சோடியம் பெர்சல்பேட்டு |
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். | |
தயாரிப்பு
கந்தக அமிலத்தில் இட்ட பொட்டாசியம் பைசல்பேட்டின் குளிர்ந்த கரைசலை அதிக மின்னடர்த்தியில் மின்னாற்பகுப்பு செய்து பொட்டாசியம் பெர்சல்பேட்டைத் தயாரிக்கலாம்[1]
- 2 KHSO4 → K2S2O8 + H2
பொட்டாசியம் பைசல்பேட்டுடன் (KHSO4) அதிக கரைதிறன் கொண்ட உப்பான அமோனியம் பெராக்சி இருசல்பேட்டு (NH4)2S2O8. கரைசலைச் சேர்த்து வினைபுரியச் செய்தும் பொட்டாசியம் பெர்சல்பேட்டைத் தயாரிக்கலாம். பொதுவாக பொட்டாசியத்தின் சல்பேட்டு உப்பை புளோரினைப் பயன்படுத்தி ஆக்சிசனேற்றம் செய்வதன் மூலம் பொட்டாசியம் பெர்சல்பேட்டைத் தயாரிப்பது உரிய வழிமுறையாகும்.
பயன்கள்
இவ்வுப்பு பல ஆல்கீன்களின் சிடைரின்-பியூட்டாடையீன் ரப்பர், பல்நாற்புளோரோ எத்திலீன் போன்ற பலபடியாக்கல் வினைகளையும் அவற்றைச் சார்ந்த பொருட்கள் தயாரிப்பதற்கான வினையையும் தொடங்கி வைக்கிறது. கரைசலாக இருக்கும்போது இவ்விரு எதிர் அயனிச் சேர்மம் பிரிகையடைந்து தனி உறுப்புகளாக மாறுகிறது:[3].
- [O3SO-OSO3]2− 2 [SO4]−
பீனால்களின்[4] எல்ப்சு பெர்சல்பேட்டு ஆக்சிசனேற்ற வினையில் இது ஆக்சிசனேற்றியாகச் செயல்படுவது போல கரிம வேதியியல்|கரிம வேதியியலில்]] ஆக்சிசனேற்றியாகப் பயன்படுத்தப்படுகிறது.
ஒரு வலுவான வெளுக்கும் முகவராக இது ஐதரசன் பெராக்சைடுடன் சேர்க்கப்பட்டு தலைமுடி சாயங்களை வெளுக்கும் பொருளாகப் பயன்படுத்தப்படுகிறது.
சுற்றுச்சூழல் மாதிரிகளுக்கு குறிப்பாக நீர்க்கரைசல்களுடன் ஒரு ஆக்சிசனேற்றியாகச் செயல்பட்டு நைட்ரசன் அடங்கிய சேர்மங்களை உறுதிப்படுத்த இச்சேர்மம் உதவுகிறது.[5]
முன்னெச்சரிக்கை
வலுவான ஆக்சிசனேற்றியாக இருப்பதால் கரிமச் சேர்மங்களுடன் பொருந்தாமல் முரண்பட்டு காணப்படுகிறது.