ஹேர்பி ஹெவெட்
ஹெர்பர்ட் ட்ரெமன்ஹீர் "ஹேர்பி" ஹெவெட் ( Herbert Tremenheere "Herbie" Hewett 25 மே 1864 - மார்ச் 4, 1921) ஒரு முன்னாள் இங்கிலாந்துத் துடுப்பாட்ட அணியின் முதல் தர துடுப்பாட்ட வீரர் ஆவார், அவர் சோமர்செட்டுக்காக தலைவராக விளையாடினார், 1889 முதல் 1893 வரை கவுண்டியின் தலைவராக இருந்தார், அத்துடன் ஆக்ஸ்போர்டு பல்கலைக்கழகம் மற்றும் மேரிலேபோன் துடுப்பாட்ட சங்க இடது கை தொடக்க ஆட்டக்காரரான ஹெவெட் சிறந்த பந்து வீச்சாளர்களுக்கு எதிராக குறுகிய காலத்தில் அதிக ஓட்டங்களைப் பதிவு செய்தார். அதிரடியாக ஓட்டங்களை எடுக்கும் திறன் கொண்ட இவர் இங்கிலாந்துத் துடுப்பாட்ட அணியின் சிறந்த மட்டையாளர்களில் ஒருவராகக் கருதப்பட்டார்.
 | |||||||||||||||||||||||||||
| தனிப்பட்ட தகவல்கள் | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| முழுப்பெயர் | ஹெர்பர்ட் ட்ரெமன்ஹீர் ஹேர்பி ஹெவெட் | ||||||||||||||||||||||||||
| பிறப்பு | 25 மே 1864 நார்டன் ஃபிட்ஸ்வாரன், சாமர்சட், இந்தியா | ||||||||||||||||||||||||||
| இறப்பு | 4 மார்ச்சு 1921 (அகவை 56) ஹோவ், சசெக்ஸ், இங்கிலாந்து | ||||||||||||||||||||||||||
| மட்டையாட்ட நடை | இடது கை | ||||||||||||||||||||||||||
| பந்துவீச்சு நடை | விரைவு வீச்சு | ||||||||||||||||||||||||||
| உள்ளூர் அணித் தரவுகள் | |||||||||||||||||||||||||||
| ஆண்டுகள் | அணி | ||||||||||||||||||||||||||
| 1884–1893 | சாமர்செட் | ||||||||||||||||||||||||||
| 1886–1887 | ஆக்சுபோர்ர்டு பலகலைக்கழக அணி | ||||||||||||||||||||||||||
| 1888–1896 | மேரிலபோன் | ||||||||||||||||||||||||||
| முதது அறிமுகம் | 25 ஆகஸ்ட் 1884 சாமர்செட் v கெண்ட் | ||||||||||||||||||||||||||
| கடைசி முதது | 29 சூன் 1895 எம்சிசி v ஆக்சுபோர்ட் பலகலைக்கழகம் | ||||||||||||||||||||||||||
| வாழ்நாள் புள்ளிவிவரங்கள் | |||||||||||||||||||||||||||
| |||||||||||||||||||||||||||
மூலம்: CricketArchive, 10 அக்டோபர் 2010 | |||||||||||||||||||||||||||
ஹெவெட் ஹாரோ பள்ளியில் கல்வி கற்றார், 1886 இல் ஆக்ஸ்போர்டில் துடுப்பாட்டப் போட்டிகளில் சிறப்பாக விளையாடியதற்காக புளூ வென்றார் மற்றும் 1884 முதல் சோமர்செட் அணிக்காக விளையாடினார். ஒரு சீரற்ற நடுத்தர வரிசை மட்டையாளராக அவர் இந்த காலகட்டத்தில் சிறிய தாக்கத்தை ஏற்படுத்தினார். இருந்தபோதிலும், அவர் 1889 இல் சோமர்செட்டின் தலைவராக நியமிக்கப்பட்டார். அடுத்த இரண்டு ஆண்டுகளில், ஒரு தொடக்க பேட்ஸ்மேனாக அவரது தலைமையும் செயல்திறனும் கவுண்டியை மீண்டும் முதல் தர அந்தஸ்தைப் பெறுவதற்கும் 1891 இல் கவுண்டி வாகையாளர் தொடரில் விளையாடுவதற்கும் உதவியது.அவர் மேலும் மூன்று ஆண்டுகள் சோமர்செட் அணியின் தலைவராக இருந்தார், வழக்கமாக லியோனல் பாலிரெட்டுடன் துவக்க வீரராகக் களம் இறங்கினார். 1892 ஆம் ஆண்டில், இந்த இணை முதல் இழப்பிற்கு 346 ஓட்டங்களை எடுத்தனர். அதில் ஹெவெட் 201 ரன்கள் எடுத்தார். இது கவுண்டி துடுப்பாட்ட போட்டிகளின் ஒரு துவக்க இணை எடுத்த அதிக பட்ச ஓட்டமாகும். [1] அந்த ஆண்டில், ஹெவெட் 35 க்கும் அதிகமான மட்டையாட்ட சராசரியில் 1,405 ரன்கள் எடுத்தார், மேலும் விசுடனில் ஆண்டின் சிறந்த ஐந்து மட்டையாலர்களில் " ஒருவராக அறிவிக்கப்பட்டார். 1892 ஆம் ஆண்டில் இங்கிலாந்து எந்தவொரு தேர்வுத் துடுப்பாட்ட போட்டிகளையும் உள் நாட்டில் விளையாடவில்லை, இல்லையெனில் ஹெவெட் ஒரு தேர்வுத் துடுப்பாட்ட கலந்து கொண்டிருப்பார்.
ஆரம்பகால வாழ்க்கை
ஹெர்பர்ட் ட்ரெமென்ஹீர் ஹெவெட் 1864 மே 25 அன்று டவுன்டனுக்கு அருகிலுள்ள நார்டன் ஃபிட்ஸ்வாரனில் உள்ள நார்டன் கோர்ட்டில் பிறந்தார். வில்லியம் ஹென்றி மற்றும் பிரான்சிஸ் எம் ஹெவெட் ஆகியோரின் ஒரே மகன் ஆவார். [2]அவர் தம்பதியரின் ஒரே மகன் என்றாலும், மக்கள் தொகைக் கணக்கெடுப்பின் படி அவர்களுக்கு நான்கு மகள்கள் இருந்தனர்; 1871 இல் இரண்டு மூத்த சகோதரிகள், எமிலி லூயிசா மற்றும் ஹெலன் ஒரு தங்கை புளோரன்ஸ் எத்தேல் ஆவர். [3] அவர் ஆரம்பத்தில் ஹால்சைடு, கோடால்மிங்கில் கல்வி பயின்றார், அங்கு அவர் துடுப்பாட்டம் மற்றும் ரக்பி கால்பந்து அணிகளின் தலைவராக இருந்தார். 1879 இல் ஹில்சைடை விட்டு வெளியேறிய அவர் ஹாரோ பள்ளிக்குச் சென்றார். 1881 ஆம் ஆண்டில், பள்ளி துடுப்பாட்டப் போட்டியில் விளையாடிய இவர் 22 ஓட்டங்களை விட்டுக் கொடுத்து 10 இழப்புகளைக் கைப்பற்றினார்.[4]