నల్గొండ జిల్లా కథా రచయితలు

మానవ సమాజ చరిత్రలో కథ ప్రక్రియకు ఎంతో ప్రాధాన్యత ఉంది. రాతి యుగపు మనిషి సంజ్ఞలతో అభివృద్ధికి బాటలు వేస్తే అనంతర కాలంలో మనిషికి సంఘజీవనం ప్రాణావసరమయ్యింది. ఆ సమయంలోనే భాష ఆవిర్భవించింది. మనిషి నుండి మనిషికి సమాచారం చేరవేయడానికి చిన్న చిన్న పదాలతోకూడిన కథలు ఊపిరి పోసుకున్నాయి. దేశాలవారీగా ప్రాంతాలవారీగా భాష రూపాంతరం చెందుతూ ప్రాంతీయ జీవన స్థితిగతుల నేపథ్యంలో అప్పటి ఆలోచనాపరులు మౌఖిక కథల ప్రచారప్రయాణం ప్రారంభించారు. తదనంతర కాలంలో భాష లిపిరూపం సంతరించుకోవడంతో కథాప్రయాణం వేగం పుంజుకుంది. నాటి రాజుల కాలం నుంచి ఈ ప్రాంతంలో కథ ప్రచారంలో ఉన్నప్పటికి ముద్రణా రంగం అందుబాటులోకి వచ్చిన తరువాత సామాన్య ప్రజానీకానికి సైతం చేరువ అయ్యింది. మన జీవితంలో కథ ఒక భాగమయ్యింది.

తెలంగాణ రాష్ట్రంలోని ప్రతీ జిల్లాలో లాగానే నల్గొండ జిల్లాలో కూడా తెలుగు కథకులు ఉద్భవించారు. తెలంగాణ విముక్తి పోరాటంలో ప్రత్యక్షంగా పాల్గొన్న నల్గొండ న్యాయవాది బోయినపల్లి రంగారావు ‘వారంరోజుల అవస్థ’ ఇంకా మరెన్నో కథలు రచించాడు. అలాగే వాసి ధరణికోట శ్రీనివాసులు ‘నీలగిరి సాహిత్య సమితి’ స్థాపించి తన కథల్లో తెలంగాణ ప్రజల జీవనపోరాటాన్ని వివరించాడు. ‘చల్లపులుసు’, ‘అన్నంలోకి’, ‘కనకం’ మరిన్ని కథలతో కథా సంపుటాలు వెలువరించాడు. ముక్తవరం పార్ధసారథి భార్యాభర్తల అనురాగబంధాన్ని హృద్యంగా చిత్రిస్తూ ‘ఎర్రనిదీపం’తోపాటు మరిన్ని కథలు రాశాడు. నల్గొండ కథకులు ధరణికోట శ్రీనివాసు కథల గురించి ఆచార్య దివాకర్ల వెంకటావధాని తమ ‘ఆంధ్ర వాఙ్మయచరిత్ర’లో ప్రస్తావించారు. మేరెడ్డి యాదగిరిరెడ్డి రాసిన కథల్లో చదివించే గుణముంది. ఇతని ‘కొలిమి’ కథలో వడ్రంగివారి బతుకువెతలు దర్శనమిస్తాయి.బోయజంగయ్య చీమలు కథలో పాము సైతం చీమలు దండుతో చస్తుందనే నీతి ఉంది. ఇంతవరకు అందుబాటులో ఉన్న సమాచారం ప్రకారం 20 మంది పైగా కథకులు ఈ జిల్లాలో లబ్ధప్రతిష్ఠులుగా పేరుపొందారు. వర్తమాన కాలంలో ఎంతో మంది కథారచయితలుగా రాణిస్తున్నారు.

ఈ క్రింది జాబితాలో నల్గొండ జిల్లా కథకుల వివరాలు క్రోడీకరించబడ్డాయి. ^[1]

• అనంతపురం జిల్లా తెలుగు కథారచయితలు
• కర్నూలు జిల్లా కథా రచయితలు
• చిత్తూరు జిల్లా కథా రచయితలు
• తూర్పు గోదావరి జిల్లా కథా రచయితలు
• పశ్చిమగోదావరి జిల్లా కథా రచయితలు
• కరీంనగర్ జిల్లా కథా రచయితలు
• మెదక్ జిల్లా కథా రచయితలు
• వరంగల్ జిల్లా కథా రచయితలు
• అదిలాబాద్ జిల్లా కథా రచయితలు
• కడప జిల్లా కథా రచయితలు
• మహబూబ్ నగర్ జిల్లా కథా రచయితలు
• కృష్ణా జిల్లా కథా రచయితలు
• ప్రకాశం జిల్లా కథా రచయితలు
• నెల్లూరు జిల్లా కథా రచయితలు
• గుంటూరు జిల్లా కథా రచయితలు
• ఖమ్మం జిల్లా కథా రచయితలు
• జాతీయ తెలుగుకథా రచయితలు