Langis ng oliba

Ang langis ng oliba ay isang mantikang prutas galing sa pagpipiga ng oliba, ang bunga ng Olea europaea, isang tradisyonal na tanim ng baybaying Mediteraneo at pag-eekstrakto ng langis.

Kadalasin itong ginagamit sa pagluto o bilang sarsang pang-ensalada. Matatagpuan din ito sa ilang kosmetiko, gamot, at sabon, at bilang panggatong sa mga tradisyonal na lamparang petroleo. Ginagamit din ito sa mga ilang relihiyon. Isa ito sa tatlong primaryang halamang kinakain sa lutuing Mediteraneo, kasama ng trigo at ubas. Tinatanim ang mga puno ng oliba sa Mediteraneo mula noong ika-8 milenyo BK.^[1][2]

Espanya ang pinakamalaking prodyuser na nagmamanupaktura ng halos kalahati ng langis ng oliba ng mundo. Italya, Gresya, Tunisia, Turkiya at Maruekos ang mga ibang malaking prodyuser nito.^[3]